હવે વાયર્સની ઝંઝટમાંથી મુક્તિ, આવી ગઈ વાયરલેસ બ્રેક સિસ્ટમ

આ સિસ્ટમ બ્રેક મારવામાં ખાસ્સી હદ સુધી સફળ રહી છે

જર્મન સાઇન્ટિસ્ટ હોલ્ગર હેરમન્સ કેબલ્સ અને વાયર્સમાંથી મુક્તિ મેળવવા માંગે છે. આથી તેમણે બાઇક્સ માટે વાયરલેસ બ્રેક સિસ્ટમ તૈયાર કરી છે. આ સિસ્ટમ બ્રેક મારવામાં ખાસ્સી હદ સુધી સફળ રહી છે.

જર્મનીની સારલેન્ડ યુનિવર્સિટીના કમ્પ્યુટર સાઇન્ટિસ્ટોએ આ બ્રેક તૈયાર કરી છે. તેમનું કહેવું છે કે તેનાથી કંટ્રોલ સિસ્ટમમાં ક્રાંતિ આવી જશે. તેમાં સવાર વ્યક્તિએ માત્ર સેન્સીટિવ હેન્ડલ ગ્રિપ જ દબાવવાની રહેશે અને આગળનું કામ ઈલેક્ટ્રોનિક સિસ્ટમ દ્વારા ઓટોમેટિક જ થઈ જશે. હેન્ડલ જેટલું જોરથી દબાવવામાં આવશે, તેટલી જ જોરથી બ્રેક વાગશે.

પ્રોફેસર હોલ્ગર જણાવે છે કે આ સિસ્ટમનો ઉપયોગ વિમાન, રેલવે અને કારખાનામાં પણ કરવામાં આવશે. હવે તેમની ટીમ આના કરતા પણ મોટા ઉપકરણો અજમાવવામાં લાગેલી છે.