બનાવો પાલકનો સૂપ

 

ઠંડીમાં બનાવો પાલકનો સૂપ

સામગ્રી

પાલક - ૩૫૦ ગ્રામ
ડુંગળી - ૨ નંગ
મીઠું, મરી - પ્રમાણસર
ખાંડ - ૨ ચમચી
વ્હાઇટ સોસ - ૨ ચમચા
છીણેલું ચીઝ - ૨ ચમચી
ઘી - ૧ ચમચી
ગાજર - ૨ નંગ
ફણસી - ૭ નંગ
વટાણા - ૫૦ ગ્રામ

રીત
-પાલકને અને ડુંગળીને ઝીણાં સમારી લો.
 
-ગાજર અને ફણસીના નાના ટુકડા કરો. વટાણા, ગાજર અને ફણસીને બાફી લો.
 
-એક કડાઇમાં ઘી ગરમ કરી ડુંગળી સાંતળો. પછી તેમાં પાલક ઉમેરીને બરાબર ચડવા દો.
 
-ત્યાર બાદ આ બાફેલા શાકભાજીને ક્રશ કરી લો.
 
-તેને ગાળીને ફરીથી ગરમ કરવા મૂકો. તેમાં ખાંડ, મીઠું અને મરી ઉમેરો અને ખદખદવા દો.
 
-બરોબર ઉકળી જાય પછી વ્હાઇટ સોસ નાખો અને આંચ પરથી ઉતારી લો.
 
-સર્વ કરતી વખતે ઉપર ચીઝથી ગાર્નિશિંગ કરો.