બાપ, દીકરો અને ગધેડો...

એક દિવસ એક માણસ એના ગધેડાને લઇ માર્કેટ જઈ રહ્યો હતો, સાથે તેનો દીકરો પણ હતો,
તેઓ રસ્તે ચાલ્યા જતા હતા. તે જોઇને લોકો કહેવા લાગ્યા કે જુઓ કેવા મૂરખા છે, સાથે ગધેડો છે તેમ છતાં ચાલતા ચાલતા જાય છે,

આ સંભાળીને પેલા માણસે પોતાના દીકરાને ગધેડા પર બેસાડી દીધો અને ફરીથી ચાલવા લાગ્યા.
... ... થોડે દુર ગયા એટલે ફરીથી લોકો વાતો કરવા લાગ્યા કે આ દીકરો કેટલો નાસમજ છે, પોતાનો બાપ નીચે ચાલે છે અને પોતે મજાથી સવારી કરી રહ્યો છે.

આ સંભાળીને દીકરો નીચે ઉતરી જાય છે અને પોતાને પિતાને બેસાડે છે,

વળી થોડે દુર જાય છે તો લોકો ફરિથ ઈ વાતો કરે છે ,કે આ બાપ કેટલો આળસુ છે, પોતાને ફૂલ જેવા દીકરાને નીચે ચલાવે છે અને પોતે મજાથી ગધેડા પર બેઠો છે,

તેઓમાં કોઈ અક્કલ નથી કે તે પોતાના દીકરાને પણ બેસાડી દે,

આ સંભાળીને માણસે ફરીથી પોતાનો વિચાર બદલ્યો અને પોતાના દીકરાને પણ ,પોતાની બાજુમાં બેસાડી દીધો,

થોડે દુર ગયા તો લોકોએ ફરીથી કહ્યું કે આ બાપ અને દીકરો કેટલા નિર્દયી છે,
એક અબોલ પ્રાણી કે જે એક વ્યક્તિનો વજન ઉચકી શકે તેમ છે
તેના પર બે લોકો મજાથી બેઠા છે. ખરેખર આ લોકો માં કોઈ દયા જ નથી.
આ સાંભળી ને આ લોકોએ ફરીથી પોતાનો નિર્ણય બદલ્યો
અને બેઉ નીચે ઉતરી ગયા અને ગધેડાને એક લાકડી સાથી બાંધીને ઉચકી લીધો અને ચાલવા લાગ્યા.
થોડે દુર નદી આવી અને પુલ પરથી ચાલતા હતા તેવામાં ગધેડાએ પાણીમાં પોતાનું પ્રતિબિંબ જોયું એટલે ગભરાઈ ગયો

અને છૂટવા માટે મથામણ કરવા લાગ્યો, તેથી તે પાણીમાં પડી અને મરી ગયો. આમ આ લોકોએ તેનો ગધેડો ગુમાવી દીધો.

બોધપાઠ:
૧. તમે બધાજ લોકોની અપેક્ષાઓ સંતોષી નહિ શકો. એટલે ગમે તે પરિસ્થિતિમાં સૌથી સારો વિકલ્પ પસંદ કરો.
૨. બીજા લોકો તમારા વિષે, ગમે તે બોલશે પણ સાચો નિર્ણય તો તમારેજ લેવો પડશે,
૩. તમને લાગે કે તમે પસંદ કરેલો નિર્ણય ખરેખર સાચો છે, તો તેને વળગી રહો, ભલે બીજા લોકો ગમે તે કહે.