વાળ-સંભાળના ઘરેલુ ઉપચારવા

વાતાવરણમાં પ્રદૂષણના વઘુ પડતા પ્રભાવથી વાળની સમસ્યા સામાન્ય બની ગઇ છે. અને વાળની કાળજી માટે આડેધડ ઉપાયો કરતી હોવાને કારણે ઘણી વખત ફાયદો તો નથી થતો હોતો પરંતુ વાળ વઘુ બગડી જતા હોય છે. પરંતુ જો ઘ્યાનમાં રાખીને વાળની કાળજી રાખવામાં આવે તો વાળ ચોક્કસ મુલાયમ તથા આકર્ષક રાખી શકાય છે.
-ઓલિવ ઓઇલ અથવા રાઇનું તેલ સૂતાં પહેલાં વાળમાં લગાડવું અને બીજે દિવસે સવારે વાળ ધોઇ નાખવાં.
-ઉકાળેલા રાઇના તેલથી મસાજ કરવો.
-વાળને સ્વસ્થ રાખવા પૌષ્ટિક આહાર મહત્વનો છે. તેમજ વ્યાયામથી પણ ફાયદો થાય છે. દિવસ દરમિયાન પાણી વઘુ પ્રમાણમાં પીવું તેમજ ફળ અને સલાડનું સેવન વાળ માટે લાભદાયક નિવડે છે.
-બાફેલી અડદની દાળ તથા મેથીની પેસ્ટથી અઠવાડિયામાં બે-ત્રણ વાર વાળ ધોવા.
-વાળ વધારવા હોય તો પણ ચાર-પાંચ અઠવાડિયે થોડા કાપવા. કોપરેલમાં લીંબુનો રસ ભેળવી લગાડવાથી ફાયદો થાય છે. કોઇ પણ પ્રકારના રબર બેન્ડનો ઉપયોગ કરવો નહીં.તેનાથી વાળ તૂટવાના તેમજ દ્વિમુખી થવાની શક્યતા વધી જાય છે. તેના બદલે સ્ક્રંચી તથા કાપડાથી ઢાંકેલા બેન્ડનો ઉપયોગ કરવો.
-ભીના વાળ પર હેર બ્રશનો ઉપયોગ ન કરવો. ભીના વાળ સુકા વાળ કરતાં ત્રણ ગણાં નબળા હોય છે. તેથી તૂટવાની શક્યતા વધી જાય છે. ટુવાલથી વાળને પહેલાં સુકવવા અને પછી જ પહોળા દાંતાના બ્રશથી વાળમાંથી ગૂંચ કાઢવી.
-રૂક્ષ તથા નિસ્તેજ વાળમાં લીંબુનો રસ લગાડવો.
-વાળમાં બેસન લગાડી ચોખાના ઉકળેલા પાણીથી વાળ ધોવા.
-ઇંડાની સફેદીમાં બે ચમચા એરડિયું. એક ચમચો ગ્લિસરીન ભેળવી વાળના મૂળને સ્પર્ષે તે રીતે લગાડવું અને થોડી વાર બાદ વાળ ધોઇ નાખવા.

ખોડો
-શુદ્ધ કોપરેલથી વાળનો મસાજ કરવો.જે વાળને વધારવામાં ઉપયોગી બને છે. નાના કાંદાને કોપરેલમાં ઉકાળી વાળમા લગાડવું. ધોવા માટે કોથમીર અને ઉકાળેલા ચોખાના પાણીથી વાળ ધોવા.