વર્ષો જૂના આ દેશભક્તિ ગીતની વાત જાણીને પડી જશો નવાઈમાં!

આ ગીત સાંભળીને કોઈની પણ આંખમાં પાણી આવી જાય તેમ છે

પ્રજાસત્તાક દિવસની ઉજવણી દેશભક્તિ ગીતો વગર થાય તે શક્ય જ નથી. આ ગીતો હિન્દી ફિલ્મો દ્વારા જ આપણને મળ્યા છે.

આવું જ એક ગીત છે 'એ મેરે પ્યારે વતન એ મેરે બિછડે ચમન...'આ ગીત ફિલ્મ કાબૂલીવાલાનું છે. આ ફિલ્મ 1961માં રીલિઝ થઈ હતી. આ ફિલ્મની વાર્તા બંગાળી લેખક રવિન્દ્રનાથ ટાગોરે લખી છે. જ્યારે આ ફિલ્મના દિગ્દર્શક બિમલ રોય છે. આ ફિલ્મ અફઘાનિસ્તાન પર આધારિત છે. બલરાજ સહાની અફઘાનિસ્તાનથી કલકતા વેપાર અર્થે આવે છે. જ્યારે તેને પોતાના વતન કાબૂલની ઘણી જ યાદ આવે છે, ત્યારે તે 'એ મેરે પ્યારે વતન' ગીત ગાય છે. આ ગીત મન્નાડેએ ગાયું છે.

આ ગીત આજે પણ દેશભક્તિ ગીત તરીકે ઘણું જ લોકપ્રિય છે. જોકે, ખરી રીતે ફિલ્મમાં આ ગીત ભારત માટે નહીં પરંતુ અફઘાનિસ્તાન માટે ગાવામાં આવે છે. બલરાજ સહાનીને પોતાના વતન અફઘાનિસ્તાનની ઘણી જ યાદ આવે છે અને તે પોતાના વતનની યાદમાં આ ગીત ગાય છે. આ ગીત ભારત માટે જ ગવાયું હોય તેમ લોકોમાં જાણીતું છે. દેશભક્તિની જ્યારે પણ વાત આવે ત્યારે લોકજીભે આ ગીત આવી જ ચડે છે. આ ગીત સાંભળીને કોઈની પણ આંખમાં પાણી આવી જાય તેટલું હૃદયદ્વાવક આ ગીત છે.

હેમેન ગુપ્તાની આ ફિલ્મમાં બલરાજ સહાની, ઉશા કિરન, સજ્જન, સોનુ અને બાળ કલાકાર ફરીદા હોય છે.