અજમાવી જુઓ

- સામાન્ય નબળાઇ દૂર કરવા ખારેકને માટીના અથવા કાચના વાસણમાં રાતના પલાળવી. સવારે તેમાંથી તેનો ઠળિયો કાઢી લેવો.૩૦૦ ગ્રામ જેટલા દૂધમાં ઉકાળવું. ૫૦ ગ્રામ જેટલું દૂધ બળી જાય એટલે ગેસ પરથી ઉતારી પીવા લાયક ઠંડુ થાય એટલે પી લેવું. થોડા દિવસ નિયમિત સેવન કરવું.
 

- કેકને હળવી અન સ્પોનજી બનાવવા અડધા કિલો લોટમાં એક ટી સ્પૂન ગ્લિસરીન નાખવું.
 

- ચાકુ પરથી ફણસની ચીકાશ દૂર કરવા તેને ગેસ પર તપાવીને અખબારના ચોખ્ખા કાગળથી લૂછી નાખવું.
 

- ફર્નિચર વેક્સથી એશ ટ્રેને સાફ કરવાથી એશ ચકચકિત થાય છે.
 

- પાંદડાયુક્ત ભાજીમાં ઝીણા જીવડા હોય છે જે નરી આંખે દેખાતા નથી હોતા તેથી ભાજીને રાંધતા પહેલાં   મીઠામા પાણીમાં રાખવી જેથી જીવડાં દૂર થશે.
 

- કટાયેલી છરી પર કાંદો ઘસીને થોડી વાર રાખી મૂકવાથી કાટ દૂર થાય છે.
 

- ચામડાની વસ્તુઓને ચમકીલી કરવા ભીના કપડામાં લીંબુનો રસ નાખી ઘસવું.
 

- એક ચમચી આદુના રસમાં ચપટી સૂંઠનો ભૂક્કો, કાળા મરીનો ભૂક્કો અને બે ટીપાં લીંબુો રસ ભેળવી બાળકને ચટાડવાથી હેડકી આવતી દૂર થાય છે.

-કોબીના સંભારામાં બાફેલા વટાણા નાખવાથી શાક સ્વાદિષ્ટ લાગે છે તેમ જ રંગ પણ સારો લાગે છે. ઉપરથી થોડી કોથમીર ભભરાવી દેવી.
 

-કટલેટ બનાવતી વખતે બટાકાના છૂંદામાં ભેળવવા કોર્નફ્‌લોર ન હોય તો બ્રેડની સ્લાઇસનો ભૂક્કો કરીને નાખવું.