આ છે દુનિયાની સૌથી નાની વેબ ડિઝાઇનર સીઈઓ

શ્રીલક્ષ્મી નેશનલ ચાઇલ્ડ એવોર્ડથી પણ નવાજાઈ ચૂકી છે

તેણે સાબિત કરી આપ્યુ છે કે ઉપલબ્ધિને ઉંમર સાથે કોઈ લેવા દેવા નથી હોતી

13 વર્ષની ઉંમરે બાળકો રેતીના ઘર બનાવીને રમતા હોય છે, જ્યારે આ જ ઉંમરની શ્રીલક્ષ્મી સુરેશે વેબડિઝાઇનિંગનું પોતાનુ ઉદ્યમ ઊભુ કરી લીધુ છે. આ રીતે કોઝિકોડની એક સ્કૂલની વિદ્યાર્થીની શ્રીલક્ષ્મી સૌથી નાની ઉંમરની ડિઝાઇનર સીઇઓ બની ગઈ છે. ઉપલબ્ધિને ઉંમર સાથે કોઈ લેવા દેવા નથી હોતી, તે સાબિત કરી આપનારી શ્રીલક્ષ્મીને નેશનલ ચાઇલ્ડ એવોર્ડથી પણ નવાજાઈ ચૂકી છે.

તે અત્યાર સુધી 50 કરતા વધારે વેબસાઇટ્સ ડિઝાઇન કરી ચૂકી છે, જેમાં બાર કાઉન્સિલ ઓફ કેરલા ઓર લાઇનેસની ડિસ્ટ્રિક્ટ શાખાની વેબસાઇટ પણ છે. શ્રીલક્ષ્મી એન્જીનિયરિંગના સ્ટુડન્ટ્સને આઈડિયા પણ આપે છે. એસોસિએશન ઓફ અમેરિકન વેબમાસ્ટર્સના સભ્યોમાં તે 18 વર્ષથી ઓછી ઉંમરની એકમાત્ર સભ્ય છે. શ્રીલક્ષ્મીના પિતા એડ્વોકેટ સુરેશ મેનન કહે છે કે તેઓને કોમ્પ્યુટર ઓપરેટ કરતા પણ નથી ફાવતુ અને તેમની દીકરી પહેલેથી જ એમએસ ઓફિસ અને ઓનલાઇન વીડિયોગેમમાં વ્યસ્ત રહેતી હતી.