ઓસ્ટ્રેલિયામાં કોઈ યુવતી સ્લિમ નહીં રહે!

ઓસ્ટ્રેલિયા આ વર્ષે ફાસ્ટ ફૂ઼ડ ટેક અવે પર 37 બિલિયન ડોલર ખર્ચ કરે તેવી અપેક્ષા છે. ઓસ્ટ્રેલિયા વિશ્વમાં સૌથી વધુ ફાસ્ટ ફૂડ પર ખર્ચ કરતો 11મો દેશ છે.

ગ્લોબલ રિસર્ચ કંપની યુરોમોનિટર અને ઓસ્ટ્રેલિયન બ્યુરો ઓફ સ્ટેટિસ્ટિક્સએ સાથે મળીને કરેલા સંશોધનના તારણો જાહેર કરાયા હતા જે અનુસાર 2007/08માં દર ચારમાંથી એક ઓસ્ટ્રેલિયન જે 18 વર્ષથી ઉપરનો હતો તે મેદસ્વી હતો.

હાલમાં ઓસ્ટ્રેલિયામાં 1250 કરતા વધારે સબવે, 845 ડોમિનોસ, 780 મેકડોનાલ્ડ્સ, 300 હન્ગ્રી જેક્સ અને 600 કેએફસી છે.

જે ઓસ્ટ્રેલિયન લોકોની મેદસ્વીતામાં વધારો કરવામાં મદદ કરી રહ્યા છે.

2008ના વિક્ટોરિયન ગર્વમેન્ટ અહેવાલ અનુસાર આ ટ્રેન્ડને જોતા લાગે છે કે 2025 સુધીમાં 20 વર્ષના કે તેથી વધુના 83 ટકા ઓસ્ટ્રેલિયન પુરુષો અને 75 ટકા સ્ત્રીઓ મેદસ્વી કે વધારે વજન ધરાવતા હશે.

ઓસ્ટ્રેલિયન લોકોએ તાજા શાકભાજી અને ફળોના સેવન પર ભાર મૂકવો જોઈએ. ખાસ કરીને સંતુલિત આહારની સાથે હેલ્થી લાઈફસ્ટાઈલ બહુ જ જરૂરી છે. નહીં તો બહુ જ ટૂંક સમયમાં અહીંના લોકોની હાલત ખરાબ થઈ શકે છે.