મુંબઈ હુમલામાં ISIનો હાથઃ પાક.ના પૂર્વ મંત્રી

>>ભૂતપૂર્વ વિદેશ મંત્રી શહરયાર ખાને આઈએસઆઈનો હાથ હોવાનો સ્વીકાર કર્યો
>>આઈએસઆઈના નીચલા સ્તરના અધિકારીઓની સંડોવણી
>>આઈએસઆઈનો મેજર ઈકબાલ અને હેડલી સંપર્કમાં હતાં

મુંબઈ હુમલામાં આઈએસઆઈનો હાથ હોવાનો પ્રથમ વખત પાકિસ્તાનના કોઈ ઉચ્ચરાજકીય નેતા દ્વારા સ્વીકાર કરવામાં આવ્યો છે. પાકિસ્તાનના ભૂતપૂર્વ વિદેશ મંત્રી શહરયાર ખાને સ્વીકાર કર્યો છે કે મુંબઈ હુમલામાં આઈએસઆઈના નીચલા સ્તરના અમુક અધિકારીઓ સામેલ હતાં. જો કે આઈએસઆઈના ઉચ્ચ અધિકારીઓ આ હુમલામાં સામેલ હોવાનો તેમણે ઈનકાર કરી દીધો હતો.

ખાને એક ટીવી ચેનલને ઈન્ટરવ્યૂ આપતા કહ્યું હતું કે, મારા માનવા પ્રમાણે એવું માનવામાં કોઈ શંકા નથી કે મેજર ઈકબાલ ડેવિડ હેડલીના સંપર્કમાં હતો. મુંબઈ હુમલા અંગે અમેરિકામાં ચાલી રહેલી સુનાવણીમાં એવી વાત સામે આવી છે કે આઈએસઆઈ ઓફિસર મેજર ઈકબાલ ડેવિડ કોલમેન હેડલીના સંપર્કમાં હતો.

ભૂતપૂર્વ વિદેશ મંત્રીએ કહ્યું હતું કે મેજર ઈકબાલ આઈએસઆઈના નીચલા સ્તર પર હતાં. ખાને કહ્યું હતું કે તે આતંકી તત્વો સાથે આઈએસઆઈના નીચલા સ્તરના કર્મચારીઓની સંડોવણીનો સ્વીકાર કરવા માટે તૈયાર છે.

આ ઈન્ટરવ્યૂમાં તેમને પૂછવામાં આવ્યું કે શું તેઓ એવી આશંકાને પૂરી રીતે રદ્દ કરે છે કે પાકિસ્તાનમાં પરમાણુ હથિયારો આતંકીઓના હાથ લાગી શકે છે. આ અંગે ભૂતપૂર્વ વિદેશ મંત્રીએ કહ્યું હતું કે મને 100 ટકા વિશ્વાસ તો નથી પરંતુ હું99 ટકા ખાતરી આપું છું કે આવું ખવા ગેવામાં નહીં આવે.