રાજ્યમાં સૌથી વધુ ગરમી અમદાવાદમાં ૪૧.૬ ડિગ્રી

બે મહિનાથી ગરમીમાં ભૂંજાઇ રહેલી અમદાવાદ શહેરની પ્રજાએ શનિવારે પણ રાજ્યમાં સૌથી વધુ ગરમીનો અનુભવ કર્યો હતો. શહેરમાં ગરમીનું પ્રમાણ રાજ્યમાં સૌથી વધુ ૪૧.૬ ડિગ્રી નોંધાયું હતું. રાજ્યના અન્ય વિસ્તારોમાં પણ ગરમીનું પ્રમાણ મોટાભાગે યથાવત્ રહ્યું હતું. આગામી ૨૪ કલાક દરમિયાન તેજ ગતિએ પવન ફૂંકાય તથા કેટલાક વિસ્તારોમાં વાદળાં છવાયેલાં રહે તેવી શક્યતા હવામાન વિભાગે વ્યક્ત કરી છે.

શહેરમાં શનિવારે ૪૧. ૬ ડિગ્રી ગરમીમાં બપોર દરમિયાન ચામડી બાળતો તાપ અને લૂ લગાડતા પવનને કારણે રસ્તાઓ અને જાહેરમાર્ગો પર ચહલ પહલ ઘટી ગઇ હતી.

અમદાવાદ ઉપરાંત વડોદરામાં ગરમીનો પારો ૪૦.૬ ડિગ્રી, સુરત ૩૬.૩ ડિગ્રી, રાજકોટ ૪૦.૨ ડિગ્રી તથા ભુજમાં ૩૯.૨ ડિગ્રી નોંધાઈ હતી. જ્યારે ઇડરમાં ગરમીનો પારો અમદાવાદ કરતા પણ એક ડિગ્રી ઓછો ૪૦.૬ ડિગ્રી નોંધાયો છે.