પેટ્રોલ-ડિઝલ બચાવવાની 10 ટિપ્સ

આજકાલ પ્રેટોલ-ડિઝલના ભાવ નાના બાળકની જેમ દિવસે ન વધે તેટલા રાત્રે અને રાત્રે ન વધે તેટલા દિવસે વધી રહ્યા છે. વાહનોનો ઉપયોગ સિમિત કરી દેવાથી ઈંધણની બચત થાય છે પણ જરૂર પડ્યે તો વાહન વાપરવું જ પડે છે અને ઈંધણ પણ વપરાય છે. તો તેની બચત કરવા આટલું કરો.

- મેઈનટેનન્સ માટેના સૂચનોનો અમલ કરો: તમારા વાહનનું યોગ્ય મેઈનટેનન્સ અને સમજદારી પૂર્વકનો વપરાશ તેનું ઈંધણ બચાવશે અને કસમયનો ઘસારો પણ નહીં લાગે.

- ટાયરની હવા નિયમિત રીતે ચેક કરો: ટાયર ઈન્ફ્લેશન દર બે અઠવાડિયે નહીં તો અઠવાડિયામાં એક વાર જરૂર ચેક કરો.

- એર ફિલ્ટને ચેક કરતા રહો: ગંદકીભર્યુ એર ફિલ્ટર એન્જિનમાં હવાની અવરજવરમાં અવરોધ ઊભો કરે છે, જેના કારણે વાહનના પરફોર્મન્સ અને ઈંધણના વપરાશ પર અસર પડે છે.

- એન્જિનને અમસ્તુ જ ચાલું ન રાખો: એકવાર એન્જિન બરાબર ચાલતું હોય તો ડ્રાઈવ કરવાનું શરૂ કરો પણ હળવેકથી. જો તમારે લાંબો સમય રાહ જોવાની હોય અને તમે ટ્રાફિકમાં અટવાયેલા ન હોવ તો એન્જિન બંધ કરી વાહન ચલાવવાનું હોય ત્યારે જ ફરીથી એન્જિન ચાલું કરો.

- બિનજરૂરી સ્પિડિંગ અને બ્રેક મારવાનું ટાળો: એકધારી ગતિ જાળવી રાખો અને અન્ય વાહનોથી બને તેટલું દૂર ડ્રાઈવ કરો. અચાનક બ્રેક મારવી પડે તેવી સ્થિતિ બને તેટલી ટાળો.

- ડ્રાઈવ કરતી વેળાએ બ્રેક કે ક્લચ પેડલ પર પગ રાખવાનું ટાળો: ડ્રાઈવ કરતી વેળાએ બ્રેક કે ક્લચ પેડલ પર સતત પગ રાખવાથી વાહનને નકામો ઘસારો પહોંચે છે. એન્જિન વધારે ગરમ થાય છે અને ઈંધણ પણ વધુ વપરાય છે.

- હાઈવે પર માફકસરની સ્પિડ જાળવી રાખો: જેમ ઝડપ વધુ તેમ ઈંધણનો વપરાશ વધુ. હાઈવે પર એકસરખી સ્પિડ જાળવી રાખીને ઈંધણની બચત કરો.

- આગળના વ્હિલનું અલાઈનમેન્ટ યોગ્ય રાખો: સ્પિડબ્રેકર પર ગાડી પછડાય નહીં તેનું ધ્યાન રાખો. ખાડાખબડા વાળા રસ્તા પર ધીમેથી ડ્રાઈવ કરો. અયોગ્ય અલાઈનમેન્ટ હોવાથી ટાયરને નુકશાન તો થાય છે જ એન્જિન પર વધુ બોજો આવે છે જેના કારણે ઈંધણ વધુ વપરાય છે.

- એરકંડિન્શરનો ઉપયોગ: એ.સી.ના વપરાશને કારણે ઈંધણનો વપરાશ વધુ થાય છે. માટે જરૂર હોય ત્યારે જ એ.સી.નો ઉપયોગ કરો.

- ઉચિત ગ્રેડનું મોટર ઓઈલ જ વાપરો: ઈંધણ વધુ ન વપરાય તે માટે યુઝર્સ મેન્યુઅલમાં દર્શાવ્યા પ્રમાણેનું મોટર ઓઈલ જ વાપરો.