આ દેશોની પાસે છે સોનાનો વિશાળ ભંડાર

 

- અમેરિકા પાસે સૌથી વધુ સોનાનો ભંડાર
- સોનાના ભંડારના મામલામાં ચીન દુનિયામાં પાંચમા નંબર પર
- ભારતની વાત કરીએ તો ભારતની પાસ કુલ 557.7 ટન સોનું છે, જે આ યાદીમાં દસમા નંબર પર

સોનું હંમેશાથી જ મોંઘવારી સામે લડવાનું અચૂક એક હથિયાર રહ્યું છે સાથો સાથ આ પીળી ધાતુએ હંમેશાથી લોકોને પોતાની તરફ આકર્ષિત કર્યા. અમે તમને બતાવીએ કે દુનિયામાં કયાં દેશોની પાસે સોનાનો સૌથી વધુ ભંડાર છે તેમાં સૌથી પહેલું નામ છે-

અમેરિકા - અમેરિકાની પાસે સોનાનો કુલ 8,133.5 ટન સોનું રિઝર્વ છે. જે અમેરિકાના કુલ ફોરેક્સ રિઝર્વનો 74.8% છે.

જર્મની - યુરોપિયન દેશ જર્મની સોનાના રિઝર્વના મામલામાં દુનિયામાં બીજા નંબર પર છે. જર્મનીની પાસે કુલ 3401 ટન સોનાનો ભંડાર છે. જે જર્મનીના કુલ વિદેશી મુદ્રા ભંડારના 70.8% છે. આ સોનું જર્મનીની સેન્ટ્રલ બેન્ક અને ડ્યુશ બેન્ડસબેન્કમાં રાખવામાં આવ્યું છે.

ઇટલી - આ યુરોપિયન દેશની પાસે કુલ 2451.8 ટન સોનાનો ભંડાર છે. આ દેશના કુલ મુદ્રા ભંડારના 69% છે.

ફ્રાન્સ - ફ્રાન્સની પાસે કુલ 2435.4 ટન સોનું છે. જે દેશના કુલ વિદેશી મુદ્રા ભંડારના 65.9% છે.

ચીન - સોનાના ભંડારના મામલામાં ચીન દુનિયામાં પાંચમા નંબર પર છે. ભારતના આ પાડોશી દેશની પાસે 1054.1 ટન સોનું છે. જે દેશના કુલ વિદેશી મુદ્રા ભંડારના 1.6% છે.

જો ભારતની વાત કરીએ તો ભારતની પાસ કુલ 557.7 ટન સોનું છે જે ભારતના કુલ વિદેશી મુદ્રા ભંડારના 8.3 ટકા છે અને ભારત આ યાદીમાં દસમા નંબર પર છે.