80ના દાયકાનો સુપરહિટ સ્ટાર પાગલખાનામાંથી મળ્યો!

  80ના દાયકામાં આ કલાકારે ઘણી જ સુપરડુપર હિટ ફિલ્મો આપી હતી
- રાજ કિરણની માનસિક હાલત ઠીક નથી

બની શકે કે, નવી પેઢીના લોક રાજ કિરણને ઓળખતા પણ ના હોય પરંતુ ફિલ્મ અર્થમાં શબાના આઝમી અને રાજ કિરણ પર દર્શાવવામાં આવેલું ગીત તુમ ઈતના જો મુસ્કુરા રહે હો....લોકોએ ગાયું તો હશે જ. રાજ કિરણનો 80ના દાયકા પછી કોઈ પત્તો નહોતો. તેના મિત્ર રીષિ કપૂરને અંતે રાજ કિરણને શોધી કાઢવામાં સફળતા મળી છે. રાજ કિરણે રીષિ કપૂરની સુપરહિટ ફિલ્મ કર્ઝમાં પૂર્વ જન્મની ભૂમિકા ભજવી હતી.

ફિલ્મ ઈન્ડસ્ટ્રીઝમાં રાજ કિરણના મોતની અફવા ચાલી રહી હતી પંરતુ રાજ કિરણના મિત્ર રીષિ કપૂર અને દિપ્તી નવલને આ વાત પર વિશ્વાસ નહોતો. દિપ્તી નવલે થોડા સમય પહેલાં ફેસબુક પર પોતાના મિત્ર રા કિરણને શોધી કાઢવા અંગેની વાત પોસ્ટ કરી હતી. અંતે રીષિ કપૂરે રાજ કિરણને શોધી કાઢ્યો છે.

એક ફિલ્મના શુટિંગ અર્થે અમેરિકા ગયેલો રીષિ રાજ કિરણને એટલાન્ટની એક મેન્ટ હોસ્પિટલમાં મળે છે. ત્યારબાદ રીષિએ રાજ કિરણના ભાઈ ગોવિંદ મેહતાનીને પણ મળે છે. તેઓએ રીષિને કહ્યું હતું કે, રાજ કિરણની માનસિક હાલત ઠીક ના હોવાથી તે છેલ્લાં બે દાયકાથી એટલાન્ટાની હોસ્પિટલમાં છે.

રીષિ કપૂરને એ જાણીને ખુશી થઈ કે, તેમનો મિત્ર રાજ કિરણ હજી જીવતો છે. તો રાજ કિરણ જીવિત હોવાની ખબર આવતાં જ ફિલ્મ ઈન્ડસ્ટ્રીઝમાં તેને પરત લાવવાની માંગણી થઈ રહી છે.

દિગ્દર્શક સુભાષ ઘાઈ અને મહેશ ભટ્ટે કહ્યું હતું કે, જો રાજ કિરણને પરત લાવવાનો પ્રયાસ કરવામાં આવશે તો તેઓ તેમાં સક્રિય ભાગ લેશે.