ગુજરાતની આ વાત જાણીને બિગ બીની છાતી ગજ-ગજ ફૂલી!

અમિતાભ બચ્ચન ગુજરાત ટૂરિઝમના બ્રાન્ડ એમ્બેસેડર છે. જ્યારે બિગ બીને ગુજરાતના બ્રાન્ડ એમ્બેસેડર બનાવવામાં આવ્યા ત્યારે અનેક લોકોએ ટિકા કરી હતી.

જોકે, તે સમયે અમિતાભ શાંત રહ્યા હતા. તાજેતરમાં ગુજરાત ટુરિઝમ વિભાગે પ્રવાસીઓની સંખ્યામાં વધારો થયો છે, તેમ જણાવ્યું હતું. સરકાર આનો શ્રેય 'ખુશ્બુ ગુજરાત કી' કેમ્પેઈનને આપી રહ્યું છે.

અમિતાભ બચ્ચન આ વાતને લઈને ઘણાં જ ખુશ છે. તેમણે ગુરૂવારના રોજ ટ્વિટર પર આને લઈને ટ્વિટ પણ કરી છે.

અમિતાભે સૌ પહેલા ટ્વિટ કરી હતી કે, આ વાત જાણીને ખુશ થયો...શંકાશીલ, ટીકાકારો, પ્રતિસ્પર્ધીઓને આનો જવાબ...

પછી બિગ બીએ ટ્વિટ કરી હતી કે, ચૂપચાપ કામ કરવાની મજા જ અલગ છે. અંતે તમામ નકારાત્મક વાતો ખોટી સાબિત થઈ.

બિગ બી આગળ કહે છે કે, કેમ્પેઈન કર્યું ત્યારે કઠોર રીતે વાતો કરવામાં આવતી હતી પરંતુ શાંતિ કામ કર્યું અને હવે પરિણામ સામે છે. શાંત માણસના જનૂનથી સાવધાન રહેવાની જરૂર છે...