આ છે દુનિયાની સૌથી ધનિક મહિલા

વોલમાર્ટની હાલની ક્રિસ્ટી વોલ્ટનને હંફાવીને ઓસ્ટ્રેલિયન મહિલા જીના રાઇનહાર્ટ વિશ્વની સૌથી ધનિક મહિલા જાહેર થઇ હતી.

જીના રાઇનહર્ટ પાસે 28.48 અબજ અમેરિકન ડોલરની સંપત્તિ છે. બુધવારે પ્રગટ થયેલા બિઝનેસ રિવ્યૂ સાપ્તાહિકની વિશ્વની સૌથી ધનિક મહિલાઓની યાદીમાં જીના રાઇનહાર્નું નામ ટોચ પર હતું. જીના ખાણ ઉદ્યોગની બાદશાહ ગણાય છે.

ઉલ્લેખનીય છે કે માર્ચ મહિનામાં ફોર્બ્સ મેગેઝીને પ્રગટ કરેલી શ્રીમંત મહિલાઓમી યાદીમાં ક્રિસ્ટી વોલ્ટન 25.3 અબજ ડોલરની સંપત્તિ સાથે ટોચ પર હતી. અને તે સમયે જીના 18 અબજ ડોલર સાથે બીજા ક્રમે હતી. ફક્તે બે મહિનામાં જ આખી પરિસ્થિતિ બદલાઇ ગઇ.

બિઝનેસ રિવ્યૂ સાપ્તાહિકના તંત્રી એન્ડ્રયુ હીથકોટે કહ્યું કે છેલ્લાં બાર મહિનામાં જીનાની કંપનીના શેરઊંચકાયા હતા અને એણે કોલસો અને આર્યન ઓરના બે જંગી સોદા સફળતાપૂર્વર પાર પાડ્યા હતા.