કૂલ રાખશે ચોકલેટ ચિપ આઇસક્રીમ

 

ગરમીમાં કૂલ રાખશે ચોકલેટ ચિપ્સ

સામગ્રી :
દૂધ - અડધો લિટર
કસ્ટર્ડ પાઉડર - ૨ ચમચા
ક્રીમ - ૧ કપ
ખાંડ - પોણો કપ
ચોકલેટનું છીણ - ૧ કપ

રીત :
-એક તપેલીમાં દૂધ લઇ તેમાં કસ્ટર્ડ ઘોળીને ઉકળવા મૂકો.
-તેમાં એક ઊભરો આવે એટલે પાંચેક મિનિટ ચમચાથી હલાવીને ઉકાળો.
-ત્યાર બાદ તેમાં ખાંડ નાખીને હલાવો.
-આઇસક્રીમ માટે કસ્ટર્ડનું મિશ્રણ તૈયાર છે.
-આને સામાન્ય તાપમાને થોડી વાર રહેવા દીધા પછી ઠંડું થવા માટે બે કલાક માટે ફ્રીજમાં મૂકી દો.
-એકદમ ઠંડું થઇ જાય એટલે તેમાં ક્રીમ અને એક ચમચો ચોકલેટનું છીણ નાખી સારી રીતે હલાવીને મિકસ કરો.
-હવે આમાં બાકીનું ચોકલેટનું છીણ નાખીને એરટાઇટ કન્ટેનરમાં ભરી જામવા માટે ફ્રીઝરમાં મૂકી દો. ચાર-છ કલાકમાં તે તૈયાર થઇ જાય એટલે ચોકલેટ ચિપ્સ આઇસક્રીમનો સ્વાદ માણો.