વિશ્વને iPod-iPhone આપનાર ક્રિએટીવ જીનીયસ સ્ટીવ જોબ્સનું નિધન

એપ્પલ કંપનીના સહસ્થાપક સ્ટીવ જોબ્સનું નિધન થઇ ગયું છે. સ્ટીવ જોબ્સ છેલ્લા સાત-આઠ વર્ષોથી કેન્સની બિમારીથી પિડાતા હતા. સ્ટીવ જોબ્સના નિધન બાદ બરાક ઓબામાએ શોકની લાગણી વ્યક્ત કરી હતી. વર્ષ 2004માં સ્ટીવ જોબ્સે કહ્યું હતું કે તેઓ કેન્સનની બિમારીથી પિડાય છે. તેમનું મૃત્યુ 56 વર્ષની ઉંમરે થયું છે.

એપલે જાહેર કરેલા એક નિવેદનમાં જણાવ્યું છે કે, "સ્ટીવની કુશળતા, તેમનો ઉત્સાહ અને તેમની ઉર્જા કેટલાય ઉત્પાદનોનો સ્ત્રોત બની છે, જેણે આપણાં જીવનને વધુ બહેતર બનાવ્યું છે."

માઇક્રોસોફ્ટ કંપનીના સ્થાપક બિલ ગેટ્સ જણાવ્યું હતું કે, "જોબ્સનો પ્રભાવ આવનારી કેટલીય પેઢીઓ સુધી મહેસૂસ થયા કરશે. અમારા જેટલા કેટલાક ભાગ્યશાળી લોકો જેમને તેમની સાથે કામ કરવાની તક મળી છે તે અમારા માટે સન્માનની વાત છે. હું તેમની ખોટ હંમેશા મહેસૂસ કરીશ."