દિવાળી નિમિત્તે બનાવો 'પૌંઆનો ચેવડો'

 

 

બનાવો ચટપટા પૌંઆ ચેવડો

સામગ્રી :-

250 ગ્રામ પૌંઆ
50 ગ્રામ દાળિયા
50 ગ્રામ સીંગદાણા
1 ટે. સ્પૂન કાજુ
1 ટે. સ્પૂન કિસમિસ
1 ટી સ્પૂન વરિયાળી
1 ટી સ્પૂન તલ તળવા માટે તેલ હિંગ ચપટી (નાખવી હોય તો)
1/2 ટી સ્પૂન હળદર
1 ડાળખી મીઠા લીમડાની
1 ટી સ્પૂન મરચું
2 ટે. સ્પૂન ખાંડ
1/4 ટી સ્પૂન લીંબુના ફૂલ વાટીને
1/4 ટી સ્પૂન સંચળ
મીઠું સ્વાદ પ્રમાણે

રીત :-

-એક કડાઈમાં તેલ મૂકી તેમાં દાળિયા, સીંગદાણા, કાજુ, કિસમિસ તળીને એક બાજુએ રાખો.
-હવે તે જ તેલમાં પૌંઆ તળી લો. તળાઈ જાય એટલે તેમાં દાળિયા, સીંગદાણા, કાજુ, કિસમિસ ભેળવી દો.
-ત્યારબાદ વઘાર માટે બે ટી સ્પૂન તેલ મૂકી તેમાં હિંગ, લીમડાના પાન, વરિયાળી, તલ, હળદર, લાલ મરચું નાખીને વઘાર તૈયાર કરી લો -તળેલા પૌંઆ પર રેડીને ઝડપથી સારી રીતે મિક્સ કરી દો.
-ઉપરથી વાટેલી ખાંડ, મીઠું, સંચળ અને વાટેલા લીંબુના ફૂલ આ બધું એક બાઉલમાં ભેળવીને પૌંઆમાં મિક્સ કરી લો. અને એરટાઈટ કન્ટેનરમાં ભરી લો.
-દિવાળી નાસ્તાના આ પૌંઆ તૈયાર છે