બનાવો 'અમીરી ખમણી'

 

 

સ્વાદિષ્ટ 'અમીરી ખમણી'

સામગ્રી
1 કપ ચણાની દાળચપટી
ચપટી ખાવાનો સોડા
3 ટેબલ સ્પૂન તેલ
1 ટેબલ સ્પૂન આદુ મરચાની પેસ્ટ
2 નંગ લીંબુ
2 નંગ ઝીણા સમારેલા લીલા મરચા
4 ટેબલ સ્પૂન ખાંડ
2૦૦ ગ્રામ ઝીણી સેવ
1 કપ દાડમના દાણા
1 કપ લીલા નાળિયેરનું છીણ.
હીંગ, લીમડો, મીઠું સ્વાદ પ્રમાણે

રીત
-ચણાની દાળને ૪ થી ૫ કલાક પલાળી રાખો.
-સારી રીતે પલળી જાય પછી તેને મિક્સરમાં વાટી લો.
-થોડું પાણી ઉમેરી તેને પાતળું કરો.
-હવે તેમાં આદુ-મરચાની પેસ્ટ, સોડા અને મીઠું ઉમેરી ઢોકળાની જેમ વરાળથી બાફી લો.
-ઢોકળા જેવું બફાઈ ત્યારબાદ મોટા કાણા વાળી ખમણીથી તેને છીણી લો.
-એક વાસણમાં વઘાર માટે તેલ મૂકી તેમાં લીલા મરચાંના ટૂકડા, હીંગ, મીઠો લીમડો નાખીને તેમાં પાણી વઘારો.
-પછી તેમાં લીંબુનો રસ, ખાંડ અને મીઠું ઉમેરી સહેજ ઉકળવા દો.
-ત્યારબાદ બાફીને છીણેલું મિશ્રણ તેમાં ઉમેરી હલાવો. બધો મસાલો બરાબર મિક્સ થઈ જાય એટલે તેને ગેસ પરથી ઉતારી લો.