કાજોલની સુંદરતાનુ રહસ્ય જાણો છો?

કાજોલ બોલિવૂડની અભિનેત્રીઓમાં પોતાની અલગ ઓળખ ધરાવે છે કારણ કે બે બાળકોના જન્મ પછી પણ તેણે પોતાની સુંદરતાને જાળવી રાખી છે. તેનુ કહેવુ છે કે તેની આ સુંદરતા પાછળનુ રહસ્ય તેના બાળકો જ છે. બાળકો સાથે તેને જે આનંદ મળે છે તેની ચમક તેના ચહેરા પર દેખાઈ આવે છે. તે કહે છે કે મા બનવો તે એક અદભૂત અને મજેદાર અનુભવ છે. આ પળ તમને કંઈક ખાસ હોવાનો અહેસાસ કરાવે છે.

તે કહે છે કે બાળકોને ઉછેરવામાં તે કોઈ પણ પ્રકારનુ દબાણ નથી અનુભવતી. તે અન્ય માતાઓની જેમ બાળકો માટે જમવાનુ નથી બનાવતી કારણ કે તેને કુકિંગ પસંદ નથી. તે બાળકો માટે અન્ય કામ કરીને સારી મા બનવાનો પ્રયત્ન કરે છે.

તે પોતાના બાળકોને જાતે ઉછેરવામાં જ માને છે. કામની વ્યસ્તતા હોવા છતા તે પોતાના બાળકોની દેખરેખ જાતે કરે છે. કારણ કે તે માને છે કે એક માં કરતા સારી દેખરેખ કોઈ ન કરી શકે.

તે કહે છે કે મારા પતિ બહુ જ પ્રોફેશનલ છે. જ્યારે અમે શૂટ પર હોઈએ છીએ ત્યારે અજય ડાયરેક્ટરના રોલમાં હોય છે અને હું માત્ર એક અભિનેત્રીની રીતે જ કામ કરુ છું. પણ ઘરમાં અમે માત્ર અને માત્ર પતિ પત્ની જ હોઈએ છીએ.

કાજોલ કહે છે કે આજકાલ તેણે કામ પરથી થોડા સમયનો આરામ લઈ લીધો છે જેથી પોતાની તબિયત અને બાળકોના ઉછેર પર ધ્યાન આપી શકે.