હારી ગયો સદ્દામ, રેતીમાં જ દફન રહ્યાં લડાકુ વિમાનો

ઈરાકના ભૂતપૂર્વ શાસક સદ્દામ હુસેનને આજના જ દિવસે(30 ડિસેમ્બર 2006) તેના દ્વારા કરવામાં આવેલા યુદ્ધ અપરાધોના ગુનામાં બગદાદમાં ફાંસી પર ચડાવી દેવામાં આવ્યો હતો. નોંધનીય છે કે અમેરિકા દ્વારા 20મી માર્ચ 2003ના રોજ ઈરાક પર રાસાયણિક અને જૈવિક હથિયારો હોવાના આરોપસર હુમલો કરવામાં આવ્યો હતો. 

અમેરિકા દ્વારા ઈરાક પર કરવામાં આવેલા હુમલાના થોડા દિવસ બાદ ઈરાકી સેનાએ અમેરિકન લશ્કર સામે પોતાના હથિયારો હેઠા મુકી દીધા હતાં. પરંતુ આજે પણ સદ્દામ હુસૈન અને તેના સૈન્ય અંગે ચોંકવનારી માહિતી સામે આવી રહી છે. 

એવું જ એક રહસ્ય છે ઈરાની વાયુ સેનાનું. કહેવામાં આવે છે કે લડાઈ આખરી ચરણમાં હોવા છતાં સદ્દામ હુસેને અમેરિકા સામે ઈરાનની હવાઈ તાકાતનો ઉપયોગ કર્યો ન હતો. લડાઈ સમાપ્ત થયા બાદ જ્યારે અમેરિકન લશ્કર રાસાયણિક અને જૈવિક હથિયારો તપાસવા માટે નીકળી ત્યારે તેના હાથમાં કંઈક એવી વસ્તુ આવી હતી જેની તેણે ક્યારેય કલ્પના પણ કરી ન હતી. 

છ જુલાઈ, 2003ના રોજ જૈવિક હથિયારની શોધમાં નીકળેલા અમેરિકન લશ્કરને બગદાદના પશ્ચિમ સ્થિત તક્કદુમ એર ફિલ્ડમાં રેતીમાં દફન કરવામાં આવેલા લગભગ 30 લડાકુ MIG 25 મળ્યાં હતાં. આ વાતની પુષ્ટિ ખુદ અમેરિકન રક્ષા વિભાગ દ્વારા છ ઓગસ્ટના રોજ કરવામાં આવી હતી, તેની સાથે રેતીમાંથી બહાર કાઢવામાં આવેલા લડાકુ વિમાનોની તસવીરો પણ પ્રગટ કરવામાં આવી હતી. 

જો કે સદ્દામ હુસેનના મોત અને અમેરિકાની ઈરાક પર જીતના આટલા વર્ષો બાદ પણ એ રહસ્ય પરથી પડદો ઉચકાયો નથી કે શા માટે આ લકાડુ વિમાનોને રેતીમાં દાંટીને રાખવામાં આવ્યા હતાં.