1 લિટર ડીઝલમાં 21.5 કિલોમીટર ચાલતી કાર

મોટે ભાગે માનવામાં આવે છે કે સેડાન કારોની એવરેજ કઈ સારી નથી હોતી. પરંતુ મારૂતિ કંપનીએ હવે આ કેટેગરીમાં પણ સારા વિકલ્પો ઉપલબ્ધ કરાવી દીધા છે.

મારૂતિ સુઝુકી ઇન્ડિયા લિમિટેડે ભારતીય બજારમાં પોતાની પૉપ્યુલર કાર એસએક્સ 4નું ડીઝલ વર્ઝન ઉતારી દીધું છે. કંપનીનો દાવો છે કે આ કાર એક લીટર ડીઝલમાં 21.5 કિલોમીટરનું અંતર કાપી લેશે.

ડીઝલ એસએક્સ 4ને લૉન્ચ કરતા સમયે કંપનીના સંચાલકીય નિર્દેશક તેમજ સીઈઓ શિંજો નાકાનિશીએ કહ્યું હતુ કે દમદાર ડીઝલ એન્જીનથી સજ્જ એસએક્સ 4, A3 સેગ્મેન્ટમાં સૌથી આકર્ષક કારોમાંથી એક છે.

ડીઝલ એસેએક્સ 4ના બે વેરિએન્ટ્સને બજારોમાં ઉતારવામાં આવી છે. દિલ્હીમાં તેના વીડીઆઈ મૉડેલની કિંમત 7.74 લાખ રૂપિયા અને જેડડીઆઈ મૉડલની કિંમત 8.62 લાખ રૂપિયામાં રાખવામાં આવી છે.

ડીઝલ કારોની કેટેગરીમાં મારૂતિ સ્વિફ્ટ અને સ્વિફ્ટ ડિઝાયરને પણ ભારતીય ગ્રાહકોને ખાસ્સી પંસદ આવી છે. હવે જોવુ તે રહેશે કે ડીઝલ એસએક્સ 4ને લઈને ગ્રાહકોનું શું માનવુ રહેશે.