વેજીટેબલ બિરયાની

3 વ્યક્તિઓ માટે બનાવો વેજીટેબલ બિરયાની

સામગ્રી:

2 કપ બાસમતી રાઈસ
1 કપ મિક્સ શાકભાજી (કોબીચ, બટાટા, ગાજર, ફણસી),
150 ગ્રામ લીલા વટાણા
3 ડુંગળી, ઝીણી સમારેલી
4 ટમેટા ઝીણા સમારેલા
2 લીલા મરચા, ઝીણા સમારેલા
1 ટીસ્પૂન લાલ મરચાનો પાવડર
2 ટીસ્પૂન તજ અને શાહજીરુ
4 નંગ લવિંગ
1/2 ટીસ્પૂન કાળા મરીનો પાવડર
1/2 કપ દહીં
4 ટેબલસ્પૂન તેલ
1/2 ટીસ્પૂન રાઈ દાણા
3 ટેબલસ્પૂન ડ્રાય ફ્રૂટ્સ (કાજૂ-કિસમિસ)
મીઠું, સ્વાદઅનુસાર

રીત:
- સૌ પહેલા રાઈસ (ચોખા)ને બરાબર ધોઈ લો.
-પછી પાણી અને થોડા મીઠા સાથે પ્રેશર કુકરમાં બાફી લો.
-તેની સાથે કાજૂ-કિસમિસ પણ ઉમેરો.
- બધા જ શાકભાજીને નાના ટુકડામાં સમારો. તે દરેકને અલગ અલગ રીતે તેલમાં તળી લો.
-લીલા વટાણાને પણ શેકી લો.
- હવે રાઈના દાણા, લીલા મરચા, તજ, શાહજીરુ, લવિંગ, મરીનો પાવડર ઉમેરીને 1/2 મિનીટ સુધી સાંતળો
-પછી તેમાં ડુંગળી ઉમેરો. ડુંગળી લાઈટ બ્રાઉન રંગની થાય ત્યા સુધી સાંતળો.
-તેમાં મીઠું અને લાલ મરચાનો પાવડર ઉમેરીને બરાબર પકાવો.
-હવે તેમાં ઝીણા સમારેલા ટમેટા ઉમેરો.
-હવે દહીં ઉમેરીને બરાબર હલાવો. ત્યારબાદ તળેલા શાકભાજી ઉમેરો.
-હવે તેમાં બાફેલા રાઈસ ઉમેરો અને બરાબર મિક્સ કરો.
-તેને હળવા હાથે મિક્સ કરો જેથી ચોખાના દાણા ભાંગી ન જાય. 3 મિનીટ સુધી પકાવો.
-વેજીટેબલ બિરયાનીને સર્વિંગ ડિશમાં કાઢો.
-તેને ડ્રાયફૂટ્સ અને લીલા ધાણા સાથે ગાર્નિશ કરીને સર્વ કરો.