જોઈન્ટ્સમાં થતાં દુખાવાને દૂર કરતી અસરદાર ટિપ્સ

આજની આ ફાસ્ટ લાઈફમાં સાંધાના દુખાવ થવાની મુશ્કેલીઓ તો રહેતી જ હોય છે તેવામાં જો આપની પાસે ઘરગથ્થુ ઉપાય હોય તો તમને તેનાથી રાહત મળી શકે છે. સામાન્ય એક્સરસાઇઝની સાથે જો આ ઉપાયો પણ આજમાવામાં આવે તો ઘણી સમસ્યા દૂર થઈ શકે છે.

તો અજમાવી જુઓ આ અસરકારક ઉપાય

-મેથીને થોડા ઘીમાં શેકી તેનો લોટ કરવો, તેમાં ગોળ, ઘી ઉમેરીને લાડુ બનાવી લેવા. આ લાડુ 8 - 10 દિવસ સુધી ખાવાથી કમરનો દુખાવો અને સંધિવા મટે છે. જકડાઈ ગયેલા અંગો છૂટા પડે છે. અને હાથે પગે થતી કળતર પણ મટે છે.

-આદુના રસમાં સહેજ મીઠું નાખી તેનાંથી માલિસ કરવાથી સંધિવાનો દુખાવો મટે છે, ડોક રહી ગઈ હોય તો તે પણ મટે છે.

-સરસિયાના તેલમાં કપુર મેળવી માલિસ કરવાથી દુખતા સાંધા, ગરદન જકડાઇ જવી તથા સંધિવાના દર્દમાં આરામ થાય છે.

-સૂંઠ અને ગોખરું સરખે ભાગે લઇ તેનો ઉકાળો કરી રોજ સવારે પીવાથી કમરનો દુખાવો મટે છે.

-પગના ગોટલા ચઢી જાય તો, કોપરેલ તેલ ગરમ કરી માલિસ કરવાથી આરામ થાય છે.

-તલના તેલમાં હિંગ અને સૂંઠ નાંખી સહેજ ગરમ કરી, માલિસ કરવાથી કમરનો દુખાવો, સાંધાનો દુખાવો અને શરીર જકડાઇ જવામાં રાહત થાય છે.