ટ્વિટર હવે કહેશે, બોસ, તમે બીમાર પડવાના છો!

એક નવાં અધ્યયન પરથી જાણવા મળ્યું છે કે અભિવ્યક્તિનું મજબૂત પ્લેટફોર્મ બની ચૂકેલી માઇક્રો બ્લોગિંગ વેબસાઇટ ટ્વિટર, આઠ દિવસ પહેલા જ તમને જણાવી દેશે કે તમે બીમાર પડવાના છો કે નહીં. 

ડેલી મેલના એક રિપોર્ટ પ્રમાણે, રોચેસ્ટર વિશ્વવિદ્યાલયના સંશોધકોએ 'હીટ મેપ'નો ઉપયોગ કરીને, પહેલેથી જ ન્યૂયૉર્કમાં ફ્લૂનાં વિસ્તારને ઓળખવાની શરૂઆત કરી દીધી છે. તેના ભાગરૂપે, એવા લોકો પાસેથી જાણકારી મેળવવામાં આવી રહીં છે, જેમણે બીમાર થવાની ફરિયાદ કરી હોય.

વિશ્વવિદ્યાલયના એડા સડિલેક અને તેમની ટીમે, વર્ષ 2010માં એક મહિના સુધી, ન્યૂયૉર્કના 6 લાખ યૂઝર્સનાં 44 લાખ જીપીએસ ટેગ ટ્વિટનું વિશ્લેષણ કર્યું. 

તેમણે પોતાનાં કમ્પ્યૂટરને તાલીમબદ્ધ કર્યા, જેનાથી તે સ્વસ્થ વ્યક્તિનાં ટ્વિટની અવગણના કરે અને અસ્વસ્થ વ્યક્તિઓને શોધી શકે.