ગુલાબી હોઠ બનાવવા માટે અપનાવો આ ટિપ્સ

 

- ગરદન, કોણી અને ઢીંચણ કાળા પડી ગયાં હોય તો એક વાટકી અડદની દાળ પલાળી, ક્રશ કરીને તેમાં પપૈયાનો ગર ભેળવીને ડાઘા પડ્યા હોય ત્યાં સ્ક્રબ કરો અને પંદર મિનિટ સુધી રાખી ઠંડા પાણીથી ધોઇ નાખો. આ રીતે રોજ કરવાથી ડાધ ધીમે ધીમે દૂર થશે.

- હાથ અને પગની ત્વચા બરછટ થઇ ગઇ હોય તો કાચું દૂધ લઇને તેમાં કાકડીનો રસ અને સુખડનો પાઉડર ઉમેરીને પેસ્ટ બનાવો. આ પેસ્ટ દિવસમાં બે વખત લગાડવાથી ત્વચા સુંવાળી બની જાય છે.

- ચહેરા પર ખીલ વધારે થતાં હોય તો નારંગીની છાલને સૂકવી તેનો પાઉડર બનાવો. તેમાં મધ અને કાકડીનો રસ ભેળવીને પેસ્ટ તૈયાર કરી ચહેરા પર પાંચથી સાત મિનિટ હળવા હાથે ઘસો. પછી ઠંડા પાણીથી ધોઇ નાખો. આમ રોજ કરવાથી ખીલની સાથે ડાઘ પણ દૂર થઇ જશે.

- હોઠ કાળા પડી ગયા હોય તો રોજ રાત્રે મધમાં લીંબુના બે ટીપાં ભેળવી, હોઠ પર હળવા હાથે મસાજ કરો. આવું રોજ રાત્રે કરવું અને રોજ સવારે થોડું ઘી પણ લગાવવું. થોડા જ દિવસમાં હોઠ ગુલાબી થઇ જશે.

- માથામાં નાખવાની મહેંદી પલાળતી વખતે તેમાં થોડી ચા અને આમળાનો પાઉડર ભેળવીને રાખો. તેમાં એક લીંબુનો રસ પણ ભેળવો. આનાથી વાળ સુંવાળા થશે.

- ત્વચાને સનટેન થતી બચાવવા માટે પાણી પીવાનું વધારે રાખો. ભોજનમાં કેરી, ભીંડા, કાજુ અને સીંગનો ઉપયોગ કરવો નહીં.

- હાથની આંગળીઓની ત્વચાને કોમળ રાખવા માટે રોજ રાત્રે મધ અને લીંબુનો રસ ભેગા કરીને તેનાથી હળવા હાથે માલિશ કરો. આનાથી ત્વચા કોમળ અને સુંદર બનવા સાથે જ મધના કારણે મેલ પણ દૂર થવાથી ત્વચાનો રંગ ગોરો થશે.