ગુજરાત ફરી નંબર વન, 85 લાખ ગ્રાહકોનો કંપનીઓને મોં તોડ જવાબ

અહીં મોબાઇલ ફોન ધારકોની સંખ્યામાં પણ ઝડપથી વધારો થઇ રહ્યો છે
- એમએનપી લાગૂ થયા બાદથી ગુજરાત રાજ્યમાં સૌથી વધુ ગ્રાહકોએ પોતાના મોબાઇલ ઓપરેટર બદલવાની માંગણી કરી છે
ગુજરાતના અર્થતંત્રએ વિકાસના મામલામાં દેશના તમામ રાજ્યોને પાછળ છોડી દીધા છે. સાથો સાથ અહીં મોબાઇલ ફોન ધારકોની સંખ્યામાં પણ ઝડપથી વધારો થઇ રહ્યો છે. પરંતુ મોટાભાગના મોબાઇલ ફોન ધારક પોતાના ઓપરેટરોની સર્વિસથી સંતુષ્ટ આવતા નથી. એમએનપી લાગૂ થયા બાદથી ગુજરાત રાજ્યમાં સૌથી વધુ ગ્રાહકોએ પોતાના મોબાઇલ ઓપરેટર બદલવાની માંગણી કરી છે.30મી એપ્રિલ બાદથી અત્યાર સુધી ગુજરાતમાં 8 લાખ થી વધુ અસંતુષ્ટ ગ્રાહકોએ પોતાના મોબાઇલ ઓપરેટરો બદલવાની સગવડતાનો ફાયદો ઉઠાવ્યો છે.

ટ્રાઇ દ્વારા રજૂ કરવામાં આવેલા આંકડા પર નજર નાંખીએ તો અત્યાર સુધી 85.40 લાખ ગ્રાહક આખા દેશમાં એમએનપી માટે અપ્લાય કરી ચૂક્યા છે. તેમાં સૌથી વધુ 8.34 લાખ ગ્રાહક ગુજરાતમાંથી છે. દેશમાં એમએનપીની શરૂઆત 20મી જાન્યુઆરીથી થઇ હતી. ગુજરાત બાદ રાજસ્થાનના ગ્રાહકોનો નંબર આવે છે. રાજસ્થાનમાં 7.10 લાખ ગ્રાહક તેનો લાભ ઉઠાવી ચૂક્યા છે. ત્યારબાદ કર્ણાટક 6.63 લાખ અને તામિલનાડુમાં 6.41 લાખ ગ્રાહકોએ આ સગવડનો લાભ લીધો.