ફરી એક વખત કપડાની બાબતે વિવાદમાં યાના

* યાના ગુપ્તાને હાલમાં કપડા બાબતે બબાલ થતા એક એવોર્ડ ફંક્શનમાંથી બહારનો રસ્તો બતાવવામાં આવ્યો

ઉલ્લેખનિય છે થોડા સમય પહેલાં યાના ગુપ્તા એક ઈવેન્ટમાં આંતર વસ્ત્રો પહેરવાનું ભૂલી ગઈ હતી. અને તે મુદ્દે તેની ઘણી જ ટીકા થઈ હતી. તો તે બાદ એક ડાન્સ ઈવનિંગમાં તેણે ખૂબ જ એક્સપોઝ કરતાં કપડા પહેર્યા હતાં તે મુદ્દે પણ તે ટીકા-ટિપ્પણીનો ભોગ બની હતી.

તો હાલમાં ફરી એક વખત કપડાના મુદ્દે તેને એક એવોર્ડ ફંક્શનમાંથી કાઢી નાખવામાં આવી છે. ઉલ્લેખનિય છે કે, મહિલાઓને પ્રોત્સાહિત કરતાં આ એવોર્ડ ફકંશનને શશ રંજન ઓર્ગનાઈઝ કરી રહ્યાં છે.

આ એવોર્ડ સેરેમનીના ઓર્ગેનાઈઝરના જણાવ્યાં પ્રમાણે, ''યાના 7 તારિખે એટલે કે આજે દિલ્હીમા એક એવોર્ડ ઈવનિંગમાં પરફોર્મન્સ આપવાની હતી. પણ હવે તે આ ડાન્સ પરફોર્મન્સનો ભાગ બનશે નહીં.''

યાનાએ એ આખી રિહર્સલ પત્યા બાદ 6 તારિખે વહેલી સવારે તેના કોશ્ચ્યુમ વિશે વાંધો ઉઠાવ્યો હતો. તેણે અમારા કોશ્ચ્યુમ ડિઝાઈનરનો નહીં પણ પોતાના જ ડિસાઈનર દ્વારા ડિઝાઈન ડ્રેસ પહેરવાની વાત કરી હતી.

એટલું જ નહીં તે બદલ તેના ડિઝાઈનરને 40,000 અને આખી ક્રુ ટીમને 20,000 ચુકવવાની પણ માંગણી કરી હતી.

તેની આવી જ માંગણીઓ અને આવા એટિટ્યુડને કારણે તેને શોમાંથી બહાર કરી દેવામાં આવી છે.તેથી જ હવે આ શોમાં પરફોર્મ તે નહીં પણ ટીવી એક્ટ્રેસ જસવિર કૌર કરશે.