દીપિકાને જોઈએ છે હેન્ડસમ પતિ!

દીપિકા પાદુકોણ અને સિદ્ધાર્થ માલ્યા એકબીજાને ડેટિંગ કરી રહ્યા હોવા છતાંય દીપિકાએ આ વાતનો ઈનકાર કર્યો

અભિનેતા રણબિર કપૂર સાથેના સંબંધો તૂટ્યા બાદ ઉદ્યોગપતિ વિજય માલ્યાના પુત્ર સિદ્ધાર્થ સાથે જોડાયેલી દીપિકા પાદુકોણે કહ્યું હતું કે, તેને હજી પણ પોતાના જીવનસાથીની શોધ છે.

સિદ્ધાર્થની સાથે જ ઈમરાન-અવંતિકાના રિસેપ્નશનમાં આવેલી દીપિકાએ જણાવ્યું હતું કે, તેને હજી સુધી લગ્ન અંગે કોઈ વિચાર કર્યો નથી. લગ્ન અંગે વિચારતા પહેલા તેણે પોતાના જીવનસાથીની શોધ કરવી પડશે.

દીપિકાને જ્યારે સિદ્ધાર્થ સાથેના સંબંધો અંગે પૂછવામાં આવ્યું તો તેણે કહ્યું હતું કે, તેને લગ્ન અંગે કંઈ વિચાર્યુ નહોતું અને આ અંગે સિદ્ધાર્થને પૂછવાની વાત કરી હતી.

સિદ્ધાર્થે કહ્યું હતું કે, જ્યારે તેણે અફવાઓ અંગે સાંભળ્યું ત્યારે તે દેશની બહાર હતો અને તેને આવી વાતો સાંભળીને હસવુ આવે છે.

દીપિકા અને ઈમરાને ફિલ્મ બ્રેક કે બાદમાં સાથે કામ કર્યુ હતું. દીપિકા હાલમાં ભોપાલમાં શુટિંગ કરી રહી છે અને રિસેપ્શનમાં ભાગ લેવા માટે તે ખાસ મુંબઈ આવી હતી.