ગુજરાતના ડાંગમાં 9 કરોડના ખર્ચે રામાયણ પરિસર ઉભું કરાશે

રાજ્ય સરકાર ગુજરાતના ડાંગ જિલ્લામાં પૌરાણિક રામાયણ સાથે સંકળાયેલ પરિસર ઉભું કરવાની યોજના બનાવી રહ્યા છે. પૌરાણિક કથા અનુસાર ભગવાન રામે ચૌદ વર્ષનો વનવાસ ભોગવ્યો હતો, તે સમયે તેઓ પંપા સરોવરે શબરીના એંઠા બોર ખાવા માટે આવ્યા હતા. તે પંપા સરોવર આજના ડાંગ જિલ્લામાં આવેલું છે. ગુજરાત સરકાર આ પૌરાણિક જગ્યાનો વિકાસ કરવા માંગે છે.

- ડાંગમાં સીતા વન, રામ સરોવર, શબરી ધામ, સંજીવની પર્વત, અંજની કૂંડ વગેરેનું નિર્માણ કરાશે.- પ્રવાસીઓ મુલાકાત લઇ શકે કે હેતુથી ડાંગ જિલ્લામાં 9 કરોડના ખર્ચે રામા પરિસર ઉભું કરવા માંગે છે.

રાજ્ય સરકાર રામાયણના આ સ્થળની પ્રવાસીઓ મુલાકાત લઇ શકે કે હેતુથી ડાંગ જિલ્લામાં 9 કરોડના ખર્ચે રામા પરિસર ઉભું કરવા માંગે છે.

રામ ભગવાને સીતા અને લક્ષ્મણ સાથે ચૌદ વર્ષનો વનવાસ ભોગવ્યો હતો તે સમયની કેટલીક ક્ષણોને અહિં રજૂ કરાશે. એટલે કે અહિં સીતા વન, રામ સરોવર વગેરે ઉભું કરાશે. આ ઉપરાંત શબરી ધામમાં ગરમ પાણીના કૂંડ, અંજની કૂંડ અને હનુમાનનો જન્મ થયો હતો તે અંજની પર્વતનું આબેહૂબ અહિં ચિત્રણ કરાશે.

તદ્ઉપરાંત લક્ષ્મણને જીવિત કરવા માટે સંજીવની જડીબુટ્ટી લાવવા માટે હનુમાનજી જે સંજીવની પર્વત ઉપાડીને લઇ આવ્યા હતા તે જગ્યાનું પણ આબેહૂબ ચિત્રણ કરાશે. આ ઐતહાસિક સ્થળને આકર્ષિત બનાવા માટે નવેસરથી મંદિર તૈયાર કરીને યાત્રાળુઓ માટે તમામ પ્રકારની સુવિધા ઉભી કરાશે.

આ અંગે ડાંગના જિલ્લા કલેકટર પ્રવીણ સોલંકીએ કહ્યું કે અમે આ અંગે કાલ્પનિક પ્લાન તૈયાર કર્યો છે અને તેના માટે 9 કરોડનું બજેટ પાસ થયું છે. આ સ્થળને ટુરિઝમ ડેસ્ટીનેશન તરીકે વિકસાવામાં આવશે.