નોકિયાને હંફાવશે, 'લાવા બી-8' ઘૂમ મચાવશે

મોબાઇલ ફોનના બજારમાં વધતી હરિફાઈથી ગ્રાહકોને તો ભાઈ બલ્લે-બલ્લે થઈ રહી છે. લાવા કંપનીએ માત્ર 3999માં તેનો અત્યાધૂનિક સુવિધાઓથી સજ્જ સ્માર્ટફોન પ્રસ્તુત કર્યો છે.

મોબાઇલ કંપનીઓની વચ્ચે ઓછામાં ઓછી કિંમતોએ વધારે આકર્ષક ફિચર્સ વાળા મોબાઇલ ફોન લૉન્ચ કરવાની સ્પર્ધા જામી છે. અને તેનો સીધો ફાયદો ગ્રાહકોને થઈ રહ્યો છે.

હાઇલાઇટ્સઃ-
- 3999 રૂપિયામાં વાઈ-ફાઈ ફિચર્સથી લેસ બજારમાં ઉતારી દીધો
- ક્વાર્ટી કી પેડ, ટ્રેક-પેડ, પુશ ઈમેલ, 3.2 મેગાપિક્સલ કેમેરો જેવા ફિચર્સ
- મોબાઇલ હેન્ડસેટના લુક ઉપર પણ ખાસ્સુ ધ્યાન આપ્યુ છે
- આ મોબાઇલ ખાસ્સો સ્લિમ છે

હવે મોબાઇલ ફોન બનાવનારી કંપની લાવાએ માત્ર 3999 રૂપિયામાં વાઈ-ફાઈ ફિચર્સથી લેસ પોતાનો મોબાઇલ બજારમાં ઉતારી દીધો છે. આ મોબાઇલને નામ અપાયુ છે , લાવા બી-8.

આ ફોનમાં ક્વાર્ટી કી પેડ, ટ્રેક-પેડ, પુશ ઈમેલ, 3.2 મેગાપિક્સલ કેમેરો વિથ ફ્લેશ લાઇટ જેવા ફિચર્સ પણ ઉપલબ્ધ કરાવાયા છે. કંપનીએ પોતાના આ ખાસ મોબાઇલ હેન્ડસેટના લુક ઉપર પણ ખાસ્સુ ધ્યાન આપ્યુ છે.

આ મોબાઇલ ખાસ્સો સ્લિમ છે. કંપનીને આશા છે કે ખાસ્સી ઓછી કિંમત ઉપર સ્માર્ટફોન વાળા ખાસ્સા ફિચર્સ પુરા પડાયા છે, જેનાથી ભારતીય ગ્રાહકોને આ સ્માર્ટફોનમાં ખૂબ પસંદ પડશે.