કોથમીર અને તલની ચટણી

સામગ્રી :

3 કપ સમારેલી કોથમીર,
1/2 મોટો ચમચો સફેદ તલ,
1 ચમચી જીરું,
1-1/2 ચમચી મીઠું.
1 ચમચી દાડમના દાણા,
2 લીલા મરચા,
1 લીંબુનો રસ,
થોડું સમારેલું આદુ.

રીત :

સૌપ્રથમ કોથમીરને સાફ કરી સમારો. તલને તવા પર શેકી નાંખો. હવે કોથમીર, તલ, દાડમના દાણા, આદુ, જીરું, લીલા મરચાં, મીઠું અને લીંબુનો રસ મિક્સરમાં નાંખી, તેમાં થોડું પાણી ઉમેરીને બરાબર વાટી લો. એકદમ બારીક ચટણી તૈયાર થઈ જાય એટલે વાટકામાં કાઢી લો. આ ચટણીનો ખારી પૂરી કે પુલાવ સાથે સ્વાદ માણો.