સવારે ઊઠતાની સાથે સૌથી પહેલા શું જોવું જોઈએ?

દરરોજ સવાર-સવારમાં આપણે એ પ્રશ્ન થાય કે આપણો દિવસ કેવો રહેશે? દિવસને સારો બનાવવા માટે બધા જ કંઈને કંઈ ધર્મ-કર્મ ચોક્કસ કરે છે. બધા જ એવું ઇચ્છે છે કે તેમનો નવો દિવસ શુભ હોય અને દુઃખ દૂર કરનાર તથા સફળતા આપનાર હોય. શાસ્ત્રો પ્રમાણે એક શ્રેષ્ઠ ઉપાય બતાવવામાં આવ્યા છે જેનાથી આપણો આખો દિવસ સારો જાય છે અને બધા દુઃખ કલેશ દૂર થાય છે.

સવારે ઊઠતાની સાથે જ શું કરવું જોઈએ? કે આપણો આખો દિવસ સારો રહે અને ઘર-પરિવારમાં સુખ-શાંતિ બની રહે. ઘણા લોકો ભગવાનના દર્શન કરે છે તો કેટલાક પોતાના ઘરના સભ્યોનો ચહેરો જુવે છે. પરંતુ પથારી છોડતા પહેલા આપણે આપણા હાથની હથેલીના દર્શાન કરવા જોઈએ.

કેટલાક લોકો વિચારે છે કે હાથોના દર્શનથી શું લાભ? તો આ પ્રશ્નનો જવાબ એ છે કે, ધર્મગ્રંથો અને ઋષિમુનિઓના કહેવા પ્રમાણે એવી માન્યતા છે કે આપણે આપણા હાથની હથેલીઓમાં દૈવીય શક્તિઓ નિવાસ કરતી હોય છે.

આ કારણે જ આપણે સવાર-સવારમાં ઊઠતાની સાથે જ સૌથી પહેલા પોતાની હથેળીઓના દર્શન કરવા જોઈએ. બંને હાથોને ભેગા કરીને તેના દર્શન કર્યા પછી જ પથારી છોડવી જોઈએ.

આપણા હાથના આગળના ભાગમાં(આંગળીઓ તરફ) લક્ષ્મી, મધ્યભાગમાં સરસ્વતી અને નીચેના ભાગમાં નારાયણ અર્થાત વિષ્ણુ ભગવાન વાસ કરે છે. સવાર-સવારમાં હાથોના દર્શાન કરવાથી આ ત્રણેય શક્તિઓના દર્શાનનું પુષ્ય મળે છે. સવારે હથેળીઓનું દર્શન કરવા પાછળ એ જ સંદેશ છે કે આપણે પરમાત્મા પાસેથી પોતાના કામમાં પવિત્રતા અને શક્તિના કામના કરીએ છીએ. સંસારનો બધો જ વૈભવ, શિક્ષા, પરાક્રમ આપણને હાથ દ્વારા જ પ્રાપ્ત થાય છે. એટલે હાથમાં લક્ષ્મી, સરસ્વતી અને વિષ્ણુ ત્રણેયનો વાસ માનવામાં આવે છે.