ખૂલી રહ્યો છે ગૂગલનો ઇ -બુકસ્ટોર

જેની લાંબા સમયથી રાહ જોવાઇ રહી છે તે ગૂગલના ઇ-બુકસ્ટોરને વિશ્વભરમાં આગામી વર્ષના પ્રથમ ત્રિમાસમાં જ લોન્ચ કરવામાં આવશે. જોકે અમેરિકામાં તો આ વર્ષના અંતભાગમાં જ તે લોન્ચ થઇ જશે. વોલ સ્ટ્રીટ જર્નલવા અહેવાલમાં કહેવામાં આવ્યું છે કે ઇ-બુક વેચવા માટે ગૂગલ સ્વતંત્ર પુસ્તક વેચાણકર્તા અને પ્રકાશકો સાથે વાટાઘાટોમાં વ્યસ્ત છે.

આ વ્યવસ્થા સંપન્ન થતાં ગ્રાહકો સીધા ગૂગલ પાસેથી પુસ્તક ખરીદી શકશે. ગ્રાહક મલ્ટિપલ ઓનલાઇન રિટેલર્સ પાસેથી પણ ઇ-બુક ખરીદી શકશે. માનવામાં આવે છે કે ડિજિટલ પુસ્તક બજારમાં ગૂગલના પ્રવેશ સાથે આ બજારમાં જેમનો દબદબો છે .એવી એમેઝોન અને એપ્પલ જેવી કંપનીઓ સામે ખતરો સર્જાશે.