વાયૂસેનાનો એક નિર્ણય, ને ભારત બનશે 'ગ્લોબલ પાવર'

ભારતને સુપર પાવર બનવા માટે બસ આ દસ અબજ ડૉલરની ડીલને અંજામ આપવાનો છે અને આ ડીલ છે 126 કૉમ્બેટ એરક્રાફ્ટની જેની ભારતીય વાયુસેનાને દરકાર છે, દુનિયાભરની છ કંપનીઓ ભારતીય વાયુસેનાના નિર્ણયની રાહ જોઈને બેઠી છે.

હાઇલાઇટ્સઃ-
- આ વિમાનો વાયુસેનામાં શામેલ થયા પછી ભારતની શક્તિ ખાસ્સી ઉપર આવી જશે
- ભારતને આ વિમાનોના ઑર્ડર આપવામાં સમય ન ખર્ચવો જોઈએ
- ટેલિસ પ્રમાણે યૂરોપીય ફાઇટર પ્લેન ટેક્નીકલી ખાસ્સા મજબૂત છે
- ભારતને વિમાન વેચનારી કંપનીએ પોતાની ટેક્નોલોજી પણ ભારતને દેવી પડશે

આ વિમાનો વાયુસેનામાં શામેલ થયા પછી ભારતની શક્તિ ખાસ્સી ઉપર આવી જશે. અમેરિકન એક્સપર્ટ પ્રમાણે આ વિમાનોની શક્તિના જોરે ભારત એક ક્ષેત્રિય શક્તિથી ઉપર આવીને ગ્લોબલ પાવર બની જશે.

અમેરિકાના થિંક ટેન્ક તરીકે ઓળખાતા એશ્લે જે ટેલિસ પ્રમાણે હવે ભારતને આ વિમાનોના ઑર્ડર આપવામાં સમય ન ખર્ચવો જોઈએ, કેમ કે આ ઑર્ડરોમાં સમય ખર્ચાઈ જવાથી ભારતીય વાયુસેનાની શક્તિ અત્યાર સુધીની પોતાની ન્યૂનતમ સપાટીએ આવી ગઈ છે.

પોતાની સુરક્ષાને મજબૂત કરતા ભારતે ટૂંક સમયમાં આ વિમાનોને લાવવાની કાર્યવાહી ઝડપી કરી દેવી જોઈએ. ભારતની સરખામણીએ પાકિસ્તાન અને ચીન પોતાની વાયુસેના ખાસ્સી ઝડપથી વિકસીત કરી રહ્યાં છે.

ટેલિસ પ્રમાણે યૂરોપીય ફાઇટર પ્લેન ટેક્નીકલી ખાસ્સા મજબૂત છે અને જો અમેરિકા એવુ ઇચ્છે કે ભારત તેના વિમાનો ખરીદે તો તેણે પોતાની ટેક્નોલોજીમાં કેટલોક સુધારો કરવો જોઈશે.

ઉલ્લેખનીય છે કે આ ડીલમાં ભારતને વિમાન વેચનારી કંપનીએ પોતાની ટેક્નોલોજી પણ ભારતને દેવી પડશે, સાથે જ ડીલના કુલ 50 ટકા ઑર્ડર ભારતીય કંપનીઓને આપવા જોઈશે.