શુકન- અપશુકનની માન્યતા શા માટે?

હિંદુ ધર્મ ગ્રંથોમાં શુભ અને અશુભ જેવા વિષયોની વિસ્તારથી જાણકારી આપવામાં આવી છે. શુકન અને અપશુકન વગેરે વિશે કેવી રીતે ખ્યાલ આવે ?તેના માટે જે તે ચિન્હ કે સંકેત દ્વારા જાણકારી મળે છે તેનાથી જાણી શકાય છે કે તે શુભ શુકનવંતુ અને અશુભ એટલે કે અપશુકનિયાળ છે.

શું આ શુકન અને અપશુકનિયાળ યોગ આપણા જીવનને પ્રભાવિત કરે છે ? વાસ્તવમાં સારી કે ખોટી ઘટનાઓ આપણા જીવનને પ્રભાવિત કરે છે. કોઈ પણ ઘટનાની સારી કે ખરાબ અસર આપણા વિશ્વાસને આધારે નક્કી થાય છે.

પ્રકૃતિ અને પશુ પક્ષીઓને અનેક વિશેષતાઓથી સંપન્ન કરવામાં આવ્યા છે. કેટલીક ઘટનાઓ એવી હોય છે જેનું પૂર્વાનુમાન કોઈ પણ વ્યક્તિ કરતા પહેલા પશુ પક્ષીઓને થઈ જાય છે.

એટલું જ નહીં ભવિષ્યની સંપૂર્ણ ઘટનાઓનો સંકેત પ્રકૃતિના ચિન્હોના સ્વરુપમાં નજરમાં આવે છે. આધ્યાત્મિક સાધના અને જ્યોતિષ તથા તંત્ર મંત્રના ક્ષેત્રમાં આ પ્રકારની વિધીઓ કરવામાં આવે છે. જેની સહાયતાથી કેટલાક ગુપ્ત સંકેતોનો પકડીને ભવિષ્યમાં ઘટનારી ઘટનાઓનું પૂર્વાનુમાન લગાવવામાં આવે છે.

અચાનક પ્રગટતા દીપકનું ઓલવાઈ જવું. કાચનું તૂટી જવું, દૂધનું ઢોળાઈ જવું તથા પશુ પક્ષીઓ અને કુતરું કે ગાયના વિશેષ હાવભાવ પ્રગટ થવા વગેરેને શુકન અપશુકનના સંકેતો માનવામાં આવે છે.

આ સંકેતોને આધારે કોઈ પણ વ્યક્તિ સમુચિત ઉપાય કરીને દુખદ ઘટનાઓથી બચી શકે છે. શુકન અને અપશુકનના વિવાદમાં સંકળાયા વગર આપણા મનને અકારણ અને આશંકાથી ભરીને દુખી ન થવું જોઈએ અને વ્યર્થ નુકસાન ન અનુભવવું જોઈએ. આ માટે બની શકે ત્યાં સુધી તેના ચક્કરમાં ન પડવું જોઈએ.