ટૂંક સમયમાં જ રેસરટ્રેક કમ્પ્યૂટર આવશે

હાલમાં ઉપયોગમાં લેવાતા પીસીથી દસ હજારગણી વધુ ઝડપવાળા કમ્પ્યૂટર ટૂંક સમયમાં બજારમાં આવશે. આ કમ્પ્યૂટર રેસરટ્રેક ટેકનિકથી સજ્જ હશે. તેમાં શોક પ્રૂફ મેમરી હશે જેનાથી વીજળીનો વપરાશ પણ ઓછો થશે. હાલના કમ્પ્યૂટરોને બૂટ થવામાં(શરૂ થવામાં) બેથી ત્રણ મિનિટ લાગે છે કારણ કે હાર્ડ ડસ્કિની માહિતીઓ રેમ સુધી પહોંચવામાં સમય લાગે છે. પરંતુ આઈબીએમના જયૂરિક રિસર્ચ સેન્ટરના વિજ્ઞાનીઓએ કમ્પ્યૂટર ચિપને નેનોવાયરથી સજ્જ કરી આ સમસ્યાનો ઉકેલ શોધી કાઢ્યો છે. રેસરટ્રેક કમ્પ્યૂટર ૧૦ સેકન્ડમાં જ બૂટ થઈ જશે કારણ કે તેનાથી જરૂરી માહિતી નેનો વાયરમાં જ એકત્ર થશે. ત્યાં સુધી કે આ કમ્પ્યૂટરની હાર્ડ ડિસ્ક પણ ફરવાના બદલે સ્થિર રહેશે.

- ગૂગલે ‘હોટપોટ’ સેવા શરૂ કરી

સાન ફ્રાન્સિસ્કો: પોતાના શહેરના વ્યવસાયિક સંસ્થાનો, રેસ્ટોરન્ટ, થિયેટર વગેરે અંગે આપ ટૂંક સમયમાં જ ગૂગલ પર માહિતી મેળવી શકશો. ગૂગલે આ માટે ‘હોટપોટ’ સેવા શરૂ કરી છે. આ જાણકારી ગૂગલના જ યૂઝર એકબીજાને પણ આપી શકશે. ‘હોટપોટ’ પર મળતી માહિતી વિશ્વસનીય હશે. યૂઝર્સના રેટિંગ અને તેમની પસંદ-નાપસંદના આધારે લોગઈન ‘હોટપોટ’માં જવા અંગે નિર્ણય લઈ શકાશે. સ્માર્ટ ફોન માટેની એપ્લિકેશનમાં યૂઝર્સને એક નકશો જોવા મળશે જેના આધારે તેઓ જગ્યા પસંદ કરી શકશે. પહેલાં ફેસબુકે પણ યૂઝર્સને પોતાની પસંદના સ્ટોર અંગે મંતવ્ય વ્યક્ત કરવાની સુવિધા આપી હતી.