આઇપેડ વધુ પાતળું હશે

આઇપેડ હવે વધુ પાતળું હોઇ શકે છે. વિશ્લેષકો જણાવે છે કે, એપલ કંપની પાતળા આઇપેડને આગામી વર્ષ સુધી લોન્ચ કરી શકે છે. આ આઇપેડમાં વિડિયો કોલિંગ માટે એક કેમરો પણ ગોઠવાયેલો હશે. ટોરોન્ટો સ્થિત આરબીસી કેપિટલ માર્કેટ્સના વિશ્લેષક માઇક અબ્રામ્સીએ જણાવ્યું કે, પાતળા આઇપેડનું નિર્માણ જાન્યુઆરીમાં શરૂ થવાની સંભાવના છે. બજારમાં ફેબ્રુઆરી કે માર્ચ સુધી તે ઉપલબ્ધ થઇ જશે. તેમાં કવાલકોમ ચિપ્સ પણ લાગેલી હશે. જેની મદદથી જીએસએમ અને સીડીએમ બન્ને નેટવર્કથી વેબ કનેકશન કરી શકાશે.