આ છે દુનિયાનો સૌથી Unlucky માણસ!

 
ગામના એક ગજબના સેલિબ્રેશનમાં પણ તે સામેલ નથી

આ માણસ દુનિયાનો સૌથી અનલકી માણસ છે. તાજેતરમાં સ્પેનના સોડેટો ગામમાં તહેવારનો માહોલ છે, પરંતુ કોસ્તિસ મિત્સોતાકિસ એકલો એવો શખ્સ છે, જે આ ઉત્સવમાં સામેલ નથી. સ્પેનના આ ગામના લોકોએ સ્પેનની સૌથી મોટી લોટરી ટીકિટ ખરીદી હતી અને તેમની લોટરી જીતી.

60 કરોડ પાઉન્ડ (આશરે 5500 કરોડ રૂપિયા)ની આ લોટરીની 1800 ટિકિટ હોય છે. લોકો મળીને તે લઈ શકે છે. ઈ.સ. 1812થી ક્રિસમસ પર નીકળતી આ લોટરી એટલી બધી લોકપ્રિય છે કે લોકો તે ડ્રો જોવા માટે ખાસ રજા લેતા હોય છે. પાછલા દિવસોમાં મંદીના મારથી પરેશાન સોડેટો અને આસપાસના ગામવાળાઓએ મળીને આ ટિકિટ ખરીદી હતી. આ ગામમાં દરેક ઘરમાંથી 4 પાઉન્ડ લેવામાં આવ્યા હતા. અમુકે બે કરતા વધારે ટિકિટ લીધી. જે સમયે આ લોટરીની ટિકિટ ખરીદવામાં આવી રહી હતી, ત્યારે આ જનાબ ગામમાં નહોતા.

લોટરી નીકળતા સોડેટો ગામના હિસ્સામાં 10 કરોડ પાઉન્ડ આવ્યા અને દરેક પરિવારના હિસ્સામાં 83000 પાઉન્ડ. એક પરિવારે વધારે ટિકિટ લીધી હતી, તેમને 3,72,000 પાઉન્ડ મળ્યા, પરંતુ કોસ્તિસ મિત્સોતાકિસ પણ બિલકુલ ખાલી હાથે રહ્યો નહોતો. તે પોતાની જમીન વેચવા માંગતો હતો, પરંતુ તે ખરીદનાર કોઈ મળી રહ્યું નહોતું. લોટરી નીકળતા જ એક પાડોશીએ તેની જમીન ખરીદી લીધી.