લ્યો, બધી જ એપ્લિકેશન એક જ રિમોટથી ચાલુ થશે

 

આજના જમાનામાં ટીવી, ડીવીડી, હોમ થિયેટર, સેટટોપ બોક્સ જેવી ચીજવસ્તુઓ ન હોય એવું કોઇ ઘર ભાગ્યે જ જોવા મળશે. આ બધાં ઇલેકટ્રોનિક સાધનોના રિમોટ પણ જુદાં જુદાં હોય છે. આ કારણસર એક્સાથે આટલાં બધાં રિમોટનો ઉપયોગ કેમ કરવો એ બાબતે મૂંઝવણ અનુભવાય છે. આવા ગેઝેટના શોખીનો માટે એક સારા સમાચાર છે. લોકોને મૂંઝવતી આ સમસ્યાના ઉકેલરૂપે લોજિટેકે કંપનીએ યુનિવર્સલ રિમોટ ૧૧૦૦ આઇ લોન્ચ કર્યું છે. આ એક ટચ સ્ક્રીન ડિવાઇસ છે. તે ૧૫ વિવિધ પ્રકારના ગેઝેટને સપોર્ટ કરે છે.

-સરળતાથી ઉપયોગ કરી શકાય છે
આ એડવાન્સ્ડ રિમોટની બંને બાજુએ સેન્સર લાગેલડં છે. તેથી યુઝરને રિમોટ ગેઝેટની તરફ ફેરવવું પડતું નથી. આ ૩-૪ મીટરની રેન્જમાં આવનારા બધા ગેઝેટ્સને કંટ્રોલ કરી શકે છે.

-ફીચર્સ
આ ડિવાઇસથી ટીવી, રેડિયો, હોમથિયેટર, ગેમિંગ ડિવાઇસને સહેલાઇથી કંટ્રોલ કરી શકાય છે.
સ્ક્રીનની સાઇઝ ૩.૫ ઇંચ છે.
સ્ક્રીનમાં બ્લેકલિસ્ટ ટેક્નોલોજી રજુ કરવામાં આવી છે. તેના લીધે તેના આઇકન્સ અંધારામાં પણ જોઇ શકાય છે.

-યુઝર તેના કમાન્ડ પોતાના મુજબ કસ્ટમાઇઝ કરી શકે છે.
આની બેટરી ચાજેઁબલ છે. આ કારણસર તેને વારંવાર બદલવાની ઝંઝટ પણ નથી રહેતી.
કિંમત: ૨૭,૯૯૫ રૂપિયા અંદાજિત