જો તમારા બેન્ક ખાતામાં પૈસા છે તો તમને ફાયદો થશે!

 

 

- નિષ્ક્રિય પડેલા ખાતાઓમાં જે રકમ છે તે જે-તે ખાતેદારોની ઓળખ કરીને સોંપે
- બેન્કોમાં 1723 કરોડ રૂપિયાની એવી રકમ પડી છે જેનો કોઇ વારસ જ નથી
- હવે આરબીઆઇએ બેન્કોને આ રકમના અસલી માલિકો શોંધીને તેને રકમ પરત આપવાનું કહ્યું છે
રિઝર્વ બેન્ક ઓફ ઇન્ડિયાના એક નવા આદેશ પ્રમાણે કેન્દ્રીય બેન્કે બેન્કોને આદેશ આપ્યો છે કે તેઓ નિષ્ક્રિય પડેલા ખાતાઓમાં જે રકમ છે તે જે-તે ખાતેદારોની ઓળખ કરીને સોંપે. તમને જણાવી દઇએ કે બેન્કોમાં 1723 કરોડ રૂપિયાની એવી રકમ પડી છે જેનો કોઇ વારસ જ નથી. હવે આરબીઆઇએ બેન્કોને આ રકમના અસલી માલિકો શોંધીને તેને રકમ પરત આપવાનું કહ્યું છે.

રિઝર્વ બેન્કે બેન્કોને તેના માટે જાતે જ પહેલ કરે તેમ કહ્યું છે. દસ વર્ષથી જે ખાતાઓમાં કોઇ લેવડ-દેવડ થઇ નથી. તેવે નિષ્ક્રિય ખાતાઓની શ્રેણીમાં રાખવામાં આવે છે. આરબીઆઇના મતે ડિસેમ્બર 2010 સુધીમાં દેશની વિભિન્ન બેન્કોના 1.03 કરોડ નિષ્ક્રિય ખાતાઓમાં 1723.24 કરોડ રૂપિયા જમા છે.

આરબીઆઇએ બેન્કોને કહ્યું છે કે તેઓ આ ખાતાઓ સાથે સંબંધિત પ્રક્રિયા, ફોર્મ અને દસ્તાવેજોની યાદી પોતાની વેબસાઇટ પર મૂકે. બેન્કોને આ પ્રક્રિયા 30મી જૂન સુધીમાં પૂરી કરવા માટે કહેવામાં આવ્યું છે.