IT ઓફિસરનું પર્ફોમન્સ કેટલા કરોડ ભેગા કર્યા તેના આધારે થશે નક્કી

Advertisement

 

- કરદાતાઓ પાસેથી ૧૫ માર્ચ પહેલા વધુને વધુ ટેક્સ ઉઘરાવવા તંત્ર દોડતુ થયું

ઈન્કમટેક્સ ડિપાર્ટમેન્ટને ચાલુ વર્ષે ટાર્ગેટ મુજબનો ટેક્સ કલેક્ટ કરવામાં આંખે પાણી આવી ગયા છે. ગુજરાતમાં ૨૪ હજાર કરોડ એકત્ર કરવાનો ટાર્ગેટ આપવામાં આવ્યો છે. સેન્ટ્રલ બોર્ડ ઓફ ડાયરેક્ટ ટેક્સીસે જાહેર કર્યું છે કે દરેક ચીફ કમિશનરનો પર્ફોમન્સ રિપોર્ટ તેણે એચીવ કરેલા ટાર્ગેટના આધારે નક્કી થશે.
ગુજરાતમાં અપાયેલો ટાર્ગેટ છ ચીફ કમિશનરર્સ વચ્ચે વહેંચાયો છે. આ ચીફ કમિશનરર્સે તેમની નીચેના દરેક કમિશનરની વચ્ચે પોતાનો ટાર્ગેટ વહેંચેલો છે. કમિશનર્સએ તેમની નીચેના એડિશનલ કમિશનર વચ્ચે રેન્જ મુજબ ટાર્ગેટ વહેંચેલો છે.
આ જ રીતે છેક નીચેની કેડરના કર્મચારી સુધી ટાર્ગેટની વહેંચણી કરવામાં આવી છે. જે કર્મચારીથી લઈને એડિશનલ કમિશનર સુધીના અધિકારીના ટાર્ગેટ પુરા નહીં થાય તેમની અન્ય કોઈ પણ કામગીરીને ધ્યાનમાં લીધા સિવાય તેમનું નબળુ પર્ફોમન્સ ગણવામાં આવશે તેવું જાહેર કરવામાં આવ્યું છે. આ જાહેરાત બાદ ઈન્કમટેક્સ વિભાગ કરદાતાઓ પાસેથી ૧૫ માર્ચ પહેલા ગમે તેમ ટેક્સ ઉઘરાવવા માટે દોડતું થઈ ગયું છે.