ગુજરાત બની રહ્યું છે દેશનું ટેક્સટાઇલ હબ

 

 

 -ગુજરાતમાં 30 ટકા વુવન ફેબ્રિક અને 25 ટકા પાવરલુમ ઇન્ડસ્ટ્રી કેન્દ્રિત
-અમદાવાદ, રાજકોટ ટેક્સટાઇલના કેન્દ્વ
-હાલ સેક્ટરનું કદ રૂ 50,000 કરોડ

એસોસિએટેડ ચેમ્બર્સ ઓફ કોમર્સ એન્ડ ઇન્ડસ્ટ્રી ઓફ ઇન્ડિયા (એસોચેમ) દેશમાં કોટનનું સૌથી વધુ ઉત્પાદન કરતા ગુજરાતમાં ટેક્સટાઇલ સેક્ટર માટે ખાસ બે સેન્ટર ફોર એક્સેલન્સ શરૂ કરશે. આ સેન્ટરો 2013 સુધીમાં અમદાવાદ અને રાજકોટમાં સ્થપાય તેવી શક્યતા છે.

ગુજરાત દેશનું સૌથી મોટું કપાસ ઉત્પાદક રાજ્ય છે અને અહીં 30 ટકા વુવન ફેબ્રિક અને 25 ટકા પાવરલુમ ઇન્ડસ્ટ્રી કેન્દ્વિત થયેલી છે. ટેકનિકલ ટેક્સટાઇલ સેક્ટરમાં ગુજરાતનો દેશમાં ફાળો 25 ટકા એટલે કે રૂ 20,000 કરોડ છે, તેમ એસોચેમના અહેવાલમાં જણાવાયું છે.


રાજ્ય સરકાર સાથે એમઓયુ

રાજકોટ જ્યારે કોટન ઉગાડતા પ્રદેશોની વચ્ચે છે ત્યારે અમદાવાદમાં 250 મોટા ફેબ્રીક પ્રોસેસ હાઉસ છે. 2011માં એસોચેમે રાજ્યમાં ટેક્સટાઇલ સેક્ટર માટે એક સેન્ટર ઓફ એક્સેલન્સ શરૂ કરવા રાજ્ય સરકાર સાથે એમઓયુ કર્યા હતા. એસોચેમના મતે આ સેન્ટર ઓફ એક્સેલન્સ ઝડપથી વિકસી રહેલા ટેકનિકલ ટેક્સટાઇલ પર ધ્યાન કેન્દ્રિત કરી શકે છે.

હજુ આગળ વધવાના પગલા

ટેક્સટાઇલ યુનિટોએ નવી પ્રોડક્ટોના વિકાસ માટે, ઉત્પાદનની સરેરાશ કિંમતને ઘટાડવા અને કાચા માલના બેઝને મજબૂત કરવા માટે મોટા પાયા પર રોકાણની જરૂર છે, તેમ એસોચેમના સેક્રેટરી જનરલ ડી એસ રાવતે '' ટેક્સટાઇલ ઇન્ડસ્ટ્રી ઇન ઇન્ડિયા-કરન્ટ સ્ટેટસ એન્ડ ધ વે ફોરવર્ડ'' ના ટાઇટલ હેઠળનો એક સ્ટડી રજુ કરતા કહ્યું હતું. જેમાં ભારતને એવા સમયે લોઅર એન્ડ માર્કેટમાંથી વેલ્યુ ફોર માર્કેટમાં જવા કહેવાયું છે જ્યારે આધુનિક ટેક્સટાઇલ ઇન્ડસ્ટ્રી ટેકનિકલ ટેક્સટાઇલ તરફ ઢળી રહી છે.


એસોચેમના મતે ટેકનિકલ ટેક્સટાઇલ સેક્ટર 11 ટકાના વાર્ષિક વિકાસ સાથે વૃદ્ધિ પામી હાલના રૂ 50,000 કરોડથી વધી રૂ 74000 કરોડ સુધી પહોંચવા તૈયાર છે. ટેકનિકલ ટેક્સટાઇલનો ભારતના રૂ 2.75 લાખ કરોડના ટેક્સટાઇલ ઉદ્યોગમાં 10 ટકાથી ઓછો હિસ્સો છે.