ઇન્ટરનેટ યુઝ કરનાર દરેક વ્યકિત કોઇ ને કોઇ ઇમેલ સર્વિસ સાથે જોડાયેલી છે, રિડિફ, જીમેલ, યાહૂ ઇન હોટમેલ ઉપરાંત બીજી ઘણી સેવાઓ પણ સલામત છે
Zoho.com/mail
ભારતમાંથી સંચાલિત ઉત્તમ આંતરરાષ્ટ્રીય મેલ સર્વિસ છે. ઝોહો મેલમાં બિઝનેસ યુઝર્સ અને સામાન્ય યુઝર્સ એમ બંને માટે ઇમેલ એકાઉન્ટ બનાવવાની સુવિધા છે. સામાન્ય યુઝર્સ ફ્રી એકાઉન્ટ બનાવી શકે છે. તેમાં પાંચ જીબી સુધીની સ્પેસ આપવામાં આવે છે. ઇન્સ્ટન્ટ મેસેન્જર અને કેલેન્ડર તેના સારા ફીચર્સ છે. અગત્યના સંદેશા અને કોન્ટેકટ્સને વ્યવસ્થિત રીતે ઓર્ગેનાઇઝ કરવા, તમારા મેસેજને ફોલ્ડર્સ અને લેબલ્સમાં વર્ગીકત કરવા જેવી સુવિધાઓ ગમે એવી છે. મેલબોકસ જાહેરખબરોથી સંપૂર્ણપણે ફ્રી છે. તમે ઇરછો તો તમારા મેસેજને થોડીવાર પછી મોકલવાની(ડિલેડ રિપ્લાય)ની સુવિધાનો લાભ લઇ શકો છો. બેદરકારીમાં તમારાથી કંઇ ખોટું લખાઇ ગયું હોય એવા સંજોગોમાં આ બહુ ઉપયોગી નીવડશે.
mail.com
ઇમેલ માટે આનાથી ઉત્તમ વિકલ્પ કદાચ અન્ય કોઇ નથી. આને સહેલાઇથી યાદ રાખી શકાય છે. તેનું નામ પણ કેટલું સરળ છે. આ સૌથી જૂની અને જાણીતી ઇમેલ સર્વિસમાંની એક છે. જોકે, ભારતમાં આનો ઉપયોગ ઓછો થાય છે. જો તમારે તમારા વ્યવસાય અથવા વિસ્તારના આધારે તમારું ઇમેલ આઇડી જોઇતું હોય તો અહીં બસ્સો વિકલ્પ હાજર છે તેમાંથી તમને અનુકૂળ આવે તે વિકલ્પ તમે પસંદ કરી શકો છો. જેમ કે એન્જિનિયર.કોમ, જર્નલિસ્ટ.કોમ, આર્કિટેકટ.કોમ અથવા તો એશિયા.કોમ. અનલિમિટેડ ઇમેલ સ્ટોરેજ, સ્પામ ફિલ્ટર અને એન્ટિવાયરસ સુર ાા, લેબલ્સને ડ્રેગ એન્ડ ડ્રોપ કરવાની સુવિધાને લીધે દુનિયાભરના કરોડો યુઝર્સને આ સર્વિસ ગમે છે.
inbox.com
પોતાની સ્પીડ માટે જાણીતી આ ઇમેલ સર્વિસ યુઝરને પાંચ ગીગાબાઇટની સ્ટોરેજ સ્પેસ આપે છે. સ્પષ્ટ ઇન્ટરફેસ, ઝડપી સર્ચ, માઇક્રોસોફટ વર્ડની જેમ રિચ ટેકસ્ટ એડિટિંગ, એન્ટિવાયરસ સ્કેનિંગ વગેરે તેની વિશેષતા છે. ઇમેલને ઓર્ગેનાઇઝ કરવા માટે સ્ટાર્સ, ફોલ્ડર્સ, લેબલ્સ અને ફિલ્ટર્સનો ઉપયોગ કરી શકાય છે. ૩૦ એમબી સુધીનું એટેચમેન્ટ મોકલવાની સુવિધા ખૂબ કામ લાગે એવી છે. કેલેન્ડર, નોટ્સ અને ઇમેજ ગેલેરી પણ હાજર છે. વધુ એક બાબત આકર્ષે તેવી છે. યુઝર્સ ઇનબોકસને પોતાના મનગમતા રંગ અને ડિઝાઇનમાં સજાવી શકે છે. આ સુવિધા અન્ય કોઇ મેલ સર્વિસ પૂરી પાડતી નથી.
aol.com/mail
અમેરિકન ઓનલાઇન કંપની અમેરિકા ઓનલાઇન(એઓએલ)ની આ મેલ સર્વિસની અમેરિકામાં બોલબાલા છે. પોતાની અનલિમિટેડ ઓનલાઇન સ્ટોરેજ, દમદાર સ્પામ, વાયરસ સુર ાા અને સરળ ડિઝાઇનના કારણે લોકોને આ સર્વિસ ખૂબ ગમે છે. તેમાં કેલેન્ડર, ચેટ અને સોશિયલ નેટવર્કિંગનો પણ સમાવેશ થાય છે. અહીં ઉપલબ્ધ રિચ એચટીએમએલ ફોર્મેટિંગ સુવિધા દ્વારા યુઝર પોતાનો મેસેજ એમએસ વર્ડની જેમ ફોર્મેટ કરી શકે છે. એસએમએસ મોકલવો હોય તો તે પણ શકય છે. એક સારી એડ્રેસ બુક, ઓટો રિપ્લાય સુવિધા, ઇવેન્ટ્સને ઘ્યાનમાં રાખવાની અને શિડયુલ બનાવવા જેવી સુવિધાઓ પણ છે.
myspace.com/mymail
જાણીતી સોશિયલ નેટવર્કિંગ વેબસાઇટ માયસ્પેસની આ ઇમેલ સર્વિસ છે. તે બીજી બધી ઇમેલ સર્વિસ કરતાં કંઇક જુદો જ અનુભવ કરાવે છે. અનલિમિટેડ સ્ટોરેજ સ્પેસ હોવાને કારણે યુઝરને કયારેય પોતાના ઇમેલ મેસેજ ડિલિટ કરવાની જરૂર પડતી નથી. તેના સ્પામ અને વાયરસ ફિલ્ટર ઘણા સારા છે તેથી યુઝર પોતાની ઇમેલ સર્વિસ સેફ હોવાની બાબતે નિિશ્ચંત બની શકે છે. જોકે, અહીં ફોલ્ડર્સ કે લેબલ્સ જેવી સુવિધા ઉપલબ્ધ કરાવાઈ નથી. તેથી યુઝર્સને પોતાના મેલ ઓર્ગેનાઇઝ કરવામાં થોડી મુશ્કેલી પડે એવું બને. ઇમેલ મોકલવા, રિચ ટેકસ્ટ ફોર્મેટિંગ, સ્પામ મેસેજને રિપોર્ટ કરવા જેવા કામ ખૂબ સરળતાથી કરી શકાય છે.
Comments
Post a Comment