કિચનને ક્લિન રાખતી ટિપ્સ

 

સામાન્ય રીતે જ્યારે આપણે કોઈના ઘરે જઈએ ત્યારે તો બહુ જ નિકટના સંબંધી હોય તો જ આપણે તેમના રસોડામાં જતા હોઈએ છીએ, નહીં તો ડ્રોઈંગ રૂમમાં જ બેસીએ છીએ.

પણ જો ક્યારેક કોઈના રસોડામાં ગયા હોઈએ અને રસોડુ યોગ્ય રીતે સાચવેલું ન હોય તો ઘણી વાર ચિતરી ચઢતી હોય છે. માટે કિચનને ક્લિન રાખવું બહુ જ જરૂરી છે.

આ ઉપરાંત સ્વાસ્થ્ય માટે પણ કિચન ક્લિન રહે તે બહુ જ જરૂરી છે. આ રહી અમુક સામાન્ય ટિપ્સ જે તમને કિચન સ્વચ્છ રાખવામાં મદદરૂપ થશે.

- ફ્લોર પર લાગેલા સિલિન્ડરના કાટનો રંગ અને ધૂળના ડાઘ દૂર કરવા માટે લીંબુનો રસ છાંટીને સ્પોન્ઝ વડે સાફ કરવાથી ડાઘ દૂર થઈ જશે.
- પ્લેટફોર્મ પર પડેલા ચાના ડાઘ દૂર કરવા માટે સોડા વોટરમાં કપડું ભીનું કરીને ઘસો.
- સ્ટિલના સિંક પર પડેલા ડાઘ અને જામેલી છારી દૂર કરવા માટે પણ સોડા વોટરમાં પલાળેલું કપડું ઘસો.
- સિંકના પાઈપને સાફ કરવા માટે મીઠા વાળા પાણીને ગરમ કરીને તેમાં રેડો. પાઈપમાં જામેલો કચરો મીઠાંવાળા પાણીના પ્રવાહથી નીકળી જશે.