કેનેડામાં વસવાટનું ડ્રિમ કકડભૂસ, 2008 પહેલાની અરજીઓ રદ

કેનેડામાં સ્થાયી થઈને વિઝાની રાહ જોનારા લોકોને આંચકો લાગે તેવા સમાચાર છે. કેનેડાની સરકારે વર્ષ 2008 પહેલાના સ્કિલ્ડ કેટેગરીના અરજદારોની અરજી ફિસ સહિત પરત કરવાનો નિર્ણય લેવામાં આવ્યો છે.

-કેનેડામાં વસવાટનું સપનું તૂટ્યું
-વર્ષ 2008 પહેલાની તમામ અરજીઓ રદ્
-ત્રણ લાખ અરજદારોને થશે અસર
-ફી પર કરવા માટે 130 મિલિયન ડોલરની જોગવાઈ

આ નિર્ણયથી લગભગ ત્રણ લાખ લોકો પ્રભાવિત થશે.  જેમાંથી મોટાભાગના લોકો પંજાબના છે.  કેનેડા સરકાર દ્વારા બજેટમાં 130 મિલિયન ડોલરની જોગવાઈ કરવામાં આવી છે. જેથી ફિસ વગરની અરજીઓ પરત કરી શકાય અને કોઈ કાયદાકીય વિવાદ ઊભા ન થાય.

7-8 વર્ષથી જોઈ રહ્યાં હતા રાહ

કેનેડાના ઈમિગ્રેશન એન્ડ સિટિઝનશીપ વિબાગમાં લાખો અરજદારોની અરજીઓ પડી છે. તેમાંથી યોગ્ય લોકોની ઓળખ પણ નથી થઈ શકતી આથી. કેનેડાની સરકારે નક્કી કર્યું છે કે, નવો કાર્યક્રમ ઘડી કાઢવામાં આવશે અને કેનેડા માટે સ્કિલ્ડ લેબરની શ્રેણી અંગે અઢાર મહિનામાં નિર્ણય લેશે.

શું છે તર્ક

કેનેડાની સરકારનો તર્ક છે કે આટલી લાંબી ઢીલ પછી મોટાભાગના પ્રોફેશનલ્સ અન્ય દેશમાં જતા રહે છે. જ્યાર સુધીમાં તેમને બોલાવવામાં આવે ત્યાર સુધીમાં તેઓ અન્યત્ર વસી ચૂક્યા હોય છે. સમગ્ર સિસ્ટમને બદલાવીને પ્રોફેશનલ્સને બદલીને કેનેડાની કંપનીઓ માટેકામે લગાડવા માટે સરકાર વિચારણા કરી રહી છે.

નવો વિવાદ

કેનેડાની સરકારના નિર્ણયથી પ્રભાવિત થનારા અરજદારો તેમના ઈમિગ્રેશન એજન્ટ્સનો સંપર્ક કરીને તેમની રજીસ્ટ્રેશનની રકમ પરત માંગી રહ્યાં છે. ત્યારે સ્થિતિ સ્પષ્ટ ન હોવાથી નવા વિવાદ ઊભા થશે. અનેક લોકો ઈમિગ્રેશન એજન્ટના ભરોસા પર વિદેશમાં વસવાના સપના જોતા હોય છે. ત્યારે વધુ એક વખત તેમનું સપનું તૂટતું જણાય રહ્યું છે.