દેશભરમાં રહેવા માટે ગુજરાત સૌથી શ્રેષ્ઠ રાજ્ય

 

દેશભરમાં ગુજરાત રહેવા માટે અન્ય શહેરોની સરખામણીમાં શ્રેષ્ઠ છે તેનું મુખ્ય કારણ બાથરૂમ, બંધ ડ્રેનેજ અને રસોડાની સારામાં સારી સુવિધા છે તેમ સેન્સ ફોર હાઉસહોલ્ડ એમિનિટીસ 2011ના રિપોર્ટમાં દર્શાવાયું છે.

ગુજરાતમાં ઘરોની સંખ્યા રેકોર્ડ 1.24 કરોડ છે, જેમાંથી 56.5 ટકા ઘરોમાં બાથરૂમ છે. તેની સામે આખા દેશમાં 24.66 કરોડ ઘરોમાં 42ટકા જ બાથરૂમ છે.

ગુજરાતમાં અમદાવાદ (81.9ટકા), સુરત (76.4 ટકા) અને રાજકોટ (71.6ટકા)માં સરેરાશ હાઉસહોલ્ડની સંખ્યામાં વધારો થઇ રહ્યો છે. જો કે રાજ્યના પૂર્વ બેલ્ટમાં મોટાપાયે આદિવાસીઓની વસતી છે ત્યાં થોડીક ખરાબ સ્થિતિ છે.

રિપોર્ટમાં દર્શાવ્યા પ્રમાણે "બનાસકાંઠામાં 30.1 ટકા, સાબરકાંઠામાં 37.7 ટકા, ખેડામાં 35.3 ટકા, પંચમહાલમાં 24.5 ટકા, દાહોદમાં 12.4 ટકા, નર્મદામાં 17.2 ટકા, ડાંગમાં 13.7 ટકા અને તાપીમાં 21.8 ટકા ઘરોમાં બાથરૂમ છે."

તેમજ ગુજરાતમાં ડ્રેનેજ કનેક્શન પણ રાષ્ટ્રીય સ્તર કરતાં ઘણું ઊછું છે. આ રિપોર્ટમાં દર્શાવ્યા પ્રમાણે દેશમાં 48.9ટકા ઘરોમાં ડ્રેનેજ ફેસિલિટી નથી. જ્યારે રાજ્યમાં 53.5 ટકા છે.

રાજ્યમાં બંધ ડ્રેનેજિંગ ફેસિલિટી 37.3 ટકા છે, તેની સરખામણીમાં રાષ્ટ્રીય સ્તરે 18.15 ટકા ઘરોમાં જ છે. દેશના એક તૃત્યાંશ ઘરોમાં ડ્રેનેજ ફેસિલિટી ખુલ્લી છે, જ્યારે ગુજરાતમાં દર 10 ઘરમાંથી એક જ ઘરમાં ડ્રેનેજિંગ સિસ્ટમ ખુલ્લી છે.

જ્યારે રાજ્યમાં રસોડાની સુવિધા પણ અન્ય રાજ્યોની સરખામણીમાં ઘણી સારી છે. દેશમાં 61.3 ટકા ઘરોમાં રસોડાની સુવિધઆ છે. જ્યારે રાજ્યમાં 72.3 ટકા ઘરોમાં રસોડાની સુવિધા છે. દેશમાં 6.8 ટકા ઘરોમાં ખુલ્લામાં રસોઇ બનાવાય છે, જ્યારે આ રેશિયો ગુજરાતમાં 6.1 ટકા છે.