આપ પણ અપનાવો આ તરકીબ, અને મેળવો મફત વીજળી!

 

- પવનચક્કી અને સોલાર પેનલ વડે છ રૂમને પાંચ કલાક અવિરત વિદ્યુત ઊર્જા અને એ પણ ફક્ત દોઢ લાખના રોકાણમાં શક્ય બન્યું !

આ કોઈ કલ્પના નથી, પણ સત્ય હકીકત છે. સૂર્ય ઉર્જાનો અખૂટ ભંડાર છે. આ ઉર્જાનો યોગ્ય ઉપયોગ કરવામાં આવે તો ચમત્કાર સર્જી શકાય છે. એસપી યુનિવર્સિટીના શ્રીલાલ ઝાએ આ ચમત્કાર કરી દેખાડ્યો છે. શ્રીલાલે સોલાર પેનલ અને પવનચક્કીની મદદથી વિધ્યુત ઉર્જા ઉત્પન્ન કરવાની ખાસ વ્યવસ્થા પોતાના ઘર પર જ ઊભી કરી છે.

દરરોજ સરેરાશ ૩થી ૪ યુનિટ વિદ્યુત આપતી આ સિસ્ટમ વડે છ રૂમના મકાનને સાંજે ૬થી રાત્રિના ૧૧ વાગ્યા સુધી એકધારી વિધ્યુત ઉર્જા મળી રહે છે. આટલી ઊર્જાથી આઠ પંખા, ૧૨ ટ્યુબલાઇટ, ટીવી, કમ્પ્યુટર, ફ્રિઝ ચલાવી શકાય છે. રૂપિયા દોઢ લાખના રોકાણમાં આ સિસ્ટમ બેસાડી શકાય છે.
- રાજેશ ચાવડા