બનાવો 'પાવભાજી પરોઠા'

 

બનાવો કંઈક અલગ પાવભાજી પરોઠા

સામગ્રી:

1 નંગ ડુંગળી ઝીણી સમારેલી
2થી 3 કળી લસણ ની ક્રશ કરેલી
1 નંગ નાનું ટમેટું ઝીણું સમારેલું
1 ટેબ.સ્પૂન બાફેલું ફ્લાવર
1 નાનું બટકું બાફેલું
1 ટેબ.સ્પૂન બાફેલું ગાજર
1 ટેબ.સ્પૂન બાફેલી કોબીજ
1 ટી.સ્પૂન ઝીણું સમારેલું કેપ્સીકમ
1 ટેબ.સ્પૂન બાફી ને મેશ કરેલા વટાણા
1 ટેબ.સ્પૂન ઝીણી સમારેલી કોથમીર
સ્વાદ પ્રમાણે મીઠું
1/4 ટી.સ્પૂન હળદર
1 ટેબ.સ્પૂન લાલ મરચું પાવડર
1 ટેબ.સ્પૂન પાવ ભાજી નો મસાલો
2 ટી.સ્પૂન તેલ
1 કપ ઘઉં નો લોટ
બટર પરોઠા શેકવા માટે

રીત:

-સૌ પ્રથમ એક પેન માં તેલ મૂકી તેમાં ડુંગળી અને લસણ સાંતળી લો.બન્ને સાંતળી લો
-તેમાં ઝીણા સમારેલા ટામેટા ઉમેરી બરોબર ખદખદવા દો.
-ત્યાર બાદ તેમાં બાફેલું બટકું,ગાજર,ફ્લાવર,કોબીજ ,વટાણા અને કેપ્સીકમ ઉમેરો
-તેમાં સ્વાદ પ્રમાણે મીઠું,લાલ મરચું,હળદર અને પાવ ભાજી મસાલો ઉમેરો.
-મસાલો થોડોક આગળ પડતો રાખવો અને પાણી ન નાખવું લચકા પડતું રાખવું.
-હવે તેમાં 1 ટેબ.સ્પૂન તેલ ઉમેરી ઠંડુ પડે એટલે તેમાં ઘઉં નો લોટ ઉમેરી પરોઠા જેવો લોટ બાંધવો.
-લોટ બંધાઈ જાય એટલે પરોઠા વણી તવી પર બટર કે તેલ મૂકી શેકી લેવા.
-તૈયાર પરોઠા ને ઉપર થી બટર મૂકી ગરમ ગરમ જ દહીં કે ડુંગળી ટામેટા ના સલાડ સાથે સર્વ કરો.