અજમાવા જેવું

* પાકા ટામેટાનો એક કપ રસ પીવાથી આંતરડાનો મળ છૂટો પડી કબજીયાત મટે છે.

* સૂંઠનો ઉકાળો કરી તેમાં એક ચમચી દિવેલ ભેળવી પીવાથી સંધિવાના દુઃખાવાથી રાહત થાય છે.

* હળદરને મધમાં ભેળવી કાકડા પર લગાડવાથી વધેલા કાકડા બેસી જાય છે.

* ફૂદીનાનો રસ પીવાથી કરમ મટે છે.

* મીઠા સક્કરપારા બનાવતી વખતે એક કપ મેંદામાં અડધો કપ ઘઉંનો લોટ ભેળવવાથી ક્રિસ્પી થાય છે.

* પાકા ટામેટાની ચીર ખીલ ઉપર ધીરે ધીરે લગાડીને થોડીવાર સુકાવા દેવું ત્યાર બાજ સહેજ ગરમ પાણીથી સાફ કરવાથી ખીલ મટે છે.

* ગાજરને બાફી તેનો પોટીસ કરીને ગુમડા પર બાંધવાથી ફાયદો થાય છે.

* શરીરમાં ક્યાંય પણ સહેજ ચીરો પડ્યો હોય તો બોરિક પાવડર દાબી દેવાથી રાહત થાય છે.

* શરીરે ખંજવાળ આવતી હોય તો કોપરેલ કે બદામનું તેલ લગાડવાથી રાહત થાય છે. હેરડાઇ કર્યા પછી સાદા પાણીથી વાળ ધોઇ સુકા થયા બાદ તેલ નાખી બીજી વખત શેમ્પુથી ધોતા પહેલા વાળમાં તેલ નાખી મસાજ કરીને ધોવાથી વાળ રેશમ જેવા મુલાયમ થાય છે.

* ગરમ પાણી કે વરાળથી દાઝી જવાય તો તે ભાગ પર ચોખાનો લોટ છાંટવાથી આરામ થાય છે.

* મધમાખીના ડંખ ઉપર મીઠું ચોપડવાથી પીડા મટે છે.

* ઘીમાં સુરણને તળીને અથવા તો સાંતળીને ખાવાથી હરસ-મસામાં રાહત થાય છે.